پنجاب میں ویکسین کی قلت ختم ہوچکی ہے ، لاہور میں آج سے تمام کورونا ویکسی نیشن سینٹرز کھلے رہیں گے۔

محکمہ صحت پنجاب کا کہنا ہے کہ پنجاب کو 6 لاکھ 50 ہزار سے زائد سائنو ویک کی خوراکیں مل چکی ہیں۔

تمام ویکسی نیشن سینٹرز پر معمول کے مطابق شہریوں کو ویکسین لگائی جائے گی ، تمام اضلاع کو ویکیسن موصول بھی ہوچکی ہے۔

تفصیلات کے مطابق پنجاب کو ویکیسین کا 40 فیصد دیا گیا ہے اس کے مطابق ساڑھے 6 لاکھ ڈوزز بنتی ہیں یعنی کہ  ٹوٹل 15 لاکھ 50 ہزار ڈوزز پاکستان پہنچی ہیں۔

  محکمہ صحت کا کہنا ہے کہ 22 جون کو مزید ویکیسن کی کھیپ موصول ہوجائے گی۔

وہیں دوسری جانب ڈی سی لاہور مدثر ریاض کہتے ہیں کہ 09 اسٹیٹک سنٹرز، ایکسپو سنٹر ، یو سی ایچ ، پی کے ایل آئی ، یونائیٹڈ کرسچن ہسپتال ، پنجاب سنٹرل کالج ، قذافی اسٹیڈیم ، ڈرائیو تھرو ویکسینیشن سنٹر، ایل ڈی اے آزادی چوک کمپلیکس اور دیگر اسٹیٹک سینٹرز ویکسی نیشن کیلئے فعال رہیں گے۔

 واضح رہے کہ انہوں نے یہ بھی کہا ہے کہ ان تمام سینٹرز میں سینووک اور سینو فام کورونا ویکسی نیشن لگائی جائے گی جبکہ جو لوگ ایسٹرا زینیکا لگوانے کے خواہشمند ہیں ، وہ فی الحال انتظار کریں۔