کراچی میں ضلع وسطی کے چار مختلف ٹاؤنز میں مائیکرو اسمارٹ لاک ڈاؤن نافذ کردیا گیا ہے۔
تفصیلات کے مطابق کراچی میں گلبرگ، نارتھ ناظم آباد، لیاقت آباد اور نارتھ کراچی کے مختلف علاقوں میں مائیکرواسمارٹ لاک ڈاؤن نافذ کردیا گیا ہے۔
نوٹیفکیشن کے مطابق کراچی میں متاثرہ علاقوں میں 15 جون تک اسمارٹ لاک ڈاؤن کا نفاذ رہے گا اور متاثرہ علاقوں کے لوگوں کی غیر ضروری نقل و حرکت پر پابندی ہوگی۔
نوٹیفکیشن میں بتایا گیا ہے کہ کراچی میں تمام کاروباری سرگرمیاں مکمل کورونا ایس او پیز کے مطابق ہونگی اور متاثرہ علاقوں میں موٹر سائیکل کی ڈبل سواری پر پابندی ہوگی۔
جاری کردہ نوٹیفکیشن کے مطابق متاثرہ علاقوں میں آنے اور جانے والے تمام افراد کو ماسک پہننا لازمی قراردیا گیا، متاثرہ علاقوں کے کورونا مثبت افراد اپنے گھروں میں قرنطینہ رہیں گے۔
واضح رہے کہ کراچی میں متاثرہ علاقوں میں فیملی اجتماع پر پابندی ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News