آج محکمہ صحت سندھ نے ویکسن کی قلت کے باعث تمام ویکسینیشن سینٹر بند رکھنے کا اعلان کردیا ہے۔
تفصیلات کے مطابق شہر قائد کے آج تمام ویکسینیشن سینٹر بند رہیں گے۔
واضح رہے کہ شہر کے متعدد ویکسینیشن سینٹرز پر چینی ویکسین ساینو ویک ، سائنو فارم، سائنو ویکسین ختم ہوگئی ہے۔
ذرائع نے بتایا ہے کہ دوسری ڈوز لگوانے والے شہری در در کی ٹھوکریں کھانے پر مجبور ہوگئے ہیں۔
ذرائع نے مزید بتایا ہے کہ ضلع وسطی میں 18 میں سے 5 سینٹرز بند ہوگئے اور ضلع جنوبی میں 40 میں سے 30 سینٹرز بند کردیے گئےہیں اس کے علاوہ ضلع غربی میں 21 سینٹرز قلت کے باعث بند کردئیے ہیں۔
واضح رہے کہ ضلع ملیر اور کورنگی میں بھی متعدد سینٹرز ویکسین کی قلت کے باعث بند کردئیے گئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News