برطانیہ کے وزیر اعظم بورس جانسن نے کورونا ویکسین کی دوسری خوراک لگوالی۔

تفصیلات کے مطابق برطانوی وزیراعظم بورس جانسن نے برطانوی کمپنی کی تیار کردہ اسٹرا زینیکا ویکسین کی دوسری خوراک جمعرات کے روز لگوائی۔

برطانوی وزیراعظم بورس جانسن کی ویکسین لگواتے ہوئے سوشل میڈیا پر  ویڈیو وائرل ہوگئی۔

یاد رہے کہ بورس جانسن نے کورونا ویکسین کی پہلی خوراک مارچ میں لگوائی تھی۔

واضح رہے کہ برطانیہ میں اب تک 18 کروڑ 48 لاکھ 27 ہزار 214 شہریوں کے کورونا ٹیسٹ کئے جاچکے ہیں، جن میں سے 44 لاکھ 94 ہزار 699 کی رپورٹ مثبت آئی۔

برطانیہ میں کورونا سے مرنے والوں کی تعداد 1 لاکھ 27 ہزار 794 تک پہنچ گئی جبکہ اس وقت ایکٹیو کیسز کی تعداد 72 ہزار 928 ہے، اسی طرح سے صحت یاب ہونے والوں کی تعداد 42 لاکھ 93 ہزار 977 تک پہنچ گئی ہے۔