رونالڈو کے ‘عمل سے کوکا کولا کو 4 ارب ڈالر کا نقصان

اریبہ نثارویب ایڈیٹر

16th Jun, 2021. 11:39 pm

فٹبالر کرسٹیانو رونالڈو نے بتایا کہ کیمرے کے سامنے کسی پروڈکٹ کو ہٹانے کی وجہ سے اس کمپنی کو 4 ارب ڈالر کا نقصان بھی ہوسکتا ہے۔

تفصیلات کے مطابق ہنگری میں جاری یو ای ایف اے یورپین فٹ بال چیمپئن شپ میں پرتگال کے میچ سے قبل ایک پریس کانفرنس کے دوران کرسٹیانو رونالڈو نے ٹیبل پر اپنے سامنے رکھی ہوئی مشروب بنانے والی کمپنی کوکا کولا کی 2 بوتلیں دیکھیں۔

کوکا کولا یورپین فٹ بال چیمپئن شپ کا اسپانسر ہے اور بوتلیں، اشتہاری مقاصد کے لیے رکھی گئی تھی۔

تاہم لیکن کرسٹیانو رونالڈو نے وہ بوتلیں اپنے سامنے سے ہٹاکر دوسری جانب رکھ دیں اور کیمرے کے سامنے اپنی پانی کی بوتل لہرائی اور پرتگالی زبان میں ’ایگوا‘ کہا جس کا مطلب ‘پانی’ ہے یعنی انہوں نے مداحوں کو سوڈا کے بجائے پانی کا انتخاب کرنے پر بھی زور دیا۔

روہت چوہان نامی صارف نے لکھا کہ رونالڈو کی جانب سے میز سے بوتلیں ہٹانے کے بعد کوکا کولا کے اسٹاک گر گئے۔

کرسٹیانو رونالڈو کے اس عمل کے فوراً بعد کوکا کولا کے شیئرز کی قیمت 56.1 ڈالر سے کم ہوکر 55.22 ڈالر ہوگئی اور اس میں 1.6 فیصد کمی آئی۔

مارکیٹ میں برانڈ کی قدر 242 ارب ڈالر سے کم ہوکر 238 ارب ڈالر تک پہنچ گئی اور کمپنی کو 4 ارب ڈالر کا نقصان ہوا۔

واضح رہے کہ مالی تجزیہ کاروں کی جانب سے ٹوئٹس کی بنیاد پر قدر میں بہت زیادہ تبدیلی کی وجہ سے کرپٹوکرنسی پر شدید تنقید کی جاتی ہے۔

ٹوئٹر صارفین کی جانب سے اس واقعے پر دلچسپ تبصرے کیے جارہے ہیں۔

کچھ صارفین نے انہیں انسٹاگرام پر 29 کروڑ 90 لاکھ فالوورز کے ساتھ سب سے زیادہ فالو کیا جانے والا شخص کہا اور انہیں اصلی انفلوئنسر قرار دیا۔

ورشا نامی صارف نے کرسٹیانو رونالڈو کو اصل انفلوئنسر قرار دیا۔

گریسی نامی ٹوئٹر ہینڈل نے لکھا کہ ‘جب رونالڈو نے اپنے سامنے سے کوکا کولا کی بوتلیں ہٹائیں تو ان کے ہیڈ آف مارکیٹنگ کا ردعمل کچھ یوں تھا۔

Adsense 300×250

مزید پڑھیں