Double Click 728 x 90
Double Click 970 x 250

ملتان: فوڈ اتھارٹی کی جانب سے گزشتہ ماہ کارکردگی کی رپورٹ جاری کر دی گئی


آمنہ رحیم

04th June, 2021
Double Click 160 x 600

ملتان میں فوڈ اتھارٹی کی جنوبی پنجاب میں  گزشتہ ماہ کی کارکردگی رپورٹ جاری کر دی گئی ہے۔

تفصیلات کے مطابق ملتان آپریشنز ٹیموں کی جانب سےمئی میں 8,640 مقامات کی چیکنگ ہوئی اور 6,688 کو وارننگ نوٹسزبھی  جاری کیے گئے۔

 اس ضمن میں ڈی جی  فوڈ اتھارٹی کا کہنا ہے کہ ملتان ڈویژن میں 3,174، ساہیوال میں 1,772، بہاولپور میں 1,513 اور ڈی جی خان ڈویژن میں 2,181 فوڈ پوائنٹس کو چیک کیا گیا ہے ۔

رفا قت علی نسوآ نہ کے مطابق ملتان میں 18ہزار 190 لٹرملاوٹی دودھ، 2450 کلو کھلے ملاوٹی مصالحہ جات اور 3,700 ساشے ممنوعہ گٹکا  تلف کیا گیا ہے۔

 ڈی جی فوڈ اتھارٹی کا کہنا  ہے کہ ملتان میں سیوریج کے آلودہ پانی سے 52 کنال پر اگائی گئی سبزیاں بھی تلف کی  ہیں اور ملتان میں ناقص انتظامات پر 1,246 فوڈ پوائنٹس کو 1 کروڑ 51 لاکھ روپے کے جرمانے عائد کیے گئے ہیں۔

انھوں نے یہ بھی کہا کہ ملتان میں قوانین کی خلاف ورزیوں پر 25 فوڈ بزنسز کی پروڈکشن  بند کی گئی ہیں ، دھوکا دہی  اور ملاوٹ کرنے والے 6 فوڈ بزنس آپریٹرز کے خلاف مقدمات بھی درج کروائے گئےہیں۔

رفاقت علی نسوآنہ کا کہنا ہے کہ ملتان میں معیار کی چانچ کیلئے مختلف فوڈ پروڈکٹس کے 100 سے زائد سیمپل حاصل کیے گئے اور گزشتہ ماہ میں 614 فوڈ بزنس آپریٹرز کو فوڈ لائسنس جاری کیے گئے ہیں۔

ڈی جی فوڈ اتھارٹی کا مزید کہا ہے کہ ملتان میں خوراک کو بین الاقوامی معیار پر لانے کے لیے مزید نئے قوانین لائے جائیں گے۔

Double Click 300 x 250

تازہ ترین نیوز پڑہنے کے لیے ڈاؤن لوڈ کریں بول نیوزایپ