فیملی عدالتوں کے کیسز  کی دوسرے اضلاع میں منتقلی کی بعد 20برس پرانی روایت کو غیر قانونی قرار دے دیا گیا۔

تفصیلات کے مطابق جسٹس ساجد محمود سیٹھی نے فیملی عدالتوں کے کیسز کی منتقلی سے متعلق تاریخ ساز فیصلہ جاری کر دیا، 8 صفحات پر مشتمل لاہور تحریری فیصلہ پنجاب کے تمام سیشن ججوںاور سول ججوں کو بھی بھجوانے کاحکم  دے دیا گیا۔

فیملی عدالت کیس میں دوسرے ضلع  کی منتقلی کیلئے لاہور ہائیکورٹ سے رجوع لازمی قرار دینے کا فیصلہ کیا گیا ہے۔

فیصلے کے مطابق فیملی عدالتوں کے ججز کو اجراء کیسز کو دوسری عدالت یا دوسرے ضلع میں منتقل کرنے کا کوئی اختیار نہیں ہوگا، فیملی عدالت کیس میں دوسرے ضلع  کی منتقلی کیلئے لاہور ہائیکورٹ سے رجوع لازمی قرار دینے کا فیصلہ کیا گیا ہے۔

 فیملی عدالت کے فیصلےکے مطابق ہائیکورٹ ہی فیملی کورٹس ایکٹ کی دفعہ 25 اے کے تحت کیسز کو دوسرے ضلع میں منتقل کرنے کی مجاز ہے، ہائیکورٹ کسی فریق کی درخواست یا از خود فیملی کورٹ کے کیسز کو دوسرے ضلع میں منتقل کر سکتی ہے۔

فیصلے کے مطابق ڈسٹرکٹ جج ایک ہی ضلع میں فیملی کورٹ سے دعوی دوسری فیملی عدالت میں منتقل کرنے کا اختیار رکھتا ہے، ڈسٹرکٹ جج ایک ہی ضلع میں فیملی کورٹ سے دعوی دوسری فیملی عدالت میں منتقل کرنے کا اختیار رکھتا ہے۔

فیملی کورٹ نے فیصلہ کیا کہ سپریم کورٹ فیملی کورٹ کے کیسز کو ایک صوبے سے دوسرے صوبےمیں منتقل کرنے کااختیار رکھتی ہے، فیملی کورٹس ایکٹ میں کیسز کی دوسرے ضلع میں منتقلی کا مکمل طریقہ کار دیا گیا دیگر دیوانی قوانین کی مدد نہیں لی جا سکتی ہے۔

واضح رہے کہ شہزاد شوکت ایڈووکیٹ کی وساطت سے اجراء کیس فیصل آباد منتقل کرنے کے اقدام کو چیلنج کیا گیا تھا، درخواست میں فیملی عدالت کو از خود اجراء کیس دوسرے ضلع میں منتقل کرنے کے اقدام کو غیر قانونی قرار دینے کی استدعا کی گئی تھی۔