آزاد کشمیر کے ضلع مظفر آباد میں پاکستان تحریک انصاف (پی ٹی آئی) کے رہنما محمد عارف مغل کی ریلی پر فائرنگ ہوئی ہے جس میں وہ زخمی ہوگئے۔
تفصیلات کے مطابق آزاد کشمیر کے ضلع مظفر آباد میں پی ٹی آئی رہنما عارف مغل کی قیادت میں ریلی نکالی جارہی تھی کہ نامعلوم افراد نے فائرنگ کردی جس کے نتیجے میں پی ٹی آئی کے رہنما عارف مغل سمیت متعدد افراد زخمی ہو گئے۔
پولیس کا کہنا ہے کہ عارف مغل کوسرپرگولی لگی ہے جبکہ فائرنگ کے اس واقعے میں مزید دو افراد زخمی ہوئے ہیں جن میں عارف مغل کا بیٹا بھی شامل ہے۔
پولیس کے مطابق زخمیوں کو فوری طور پر اسپتال منتقل کردیا گیا ہے۔
پولیس کا مزید کہنا ہے کہ مبینہ طور پر فائرنگ کرنے والے شخص کا نام گوہر ہے، واقعہ کی بعد شاہرہ سرینگر پر احتجاج مظاہرین نے گڑھی دوپٹہ کے مقام سے سڑک بند کردی۔
واضح رہے کہ عارف مغل نے حال ہی میں پیپلز پارٹی چھوڑ کر پی ٹی آئی میں شمولیت اختیار کی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News