یہ تو قدرت کا نظام ہے کہ ہر انسان اپنی لکھی ہوئی سانس سے زیادہ زندگی نہیں گزار سکتا ہے لیکن یہ بھی ایک حقیقت ہے کہ انسان اشرف المخلوقات ہے اور قدرت نے انسان میں ہر چیز کی تہہ تک جانے کا تجسس پیدا کیا ہے۔

بس اسی تجسس کی بناء پر انسان ، سائنسدانوں کی شکل میں نت نئی تحقیقات میں مصروف عمل ہوتا ہے  تاکہ ہر بات کی وجہ تک ضرور پہنچ سکے۔

اسی تجسس کی وجہ سے ماہرین نے انسانی عمر پر تحقیق کرتے ہوئے اندازہ لگایا ہے کہ آئندہ سالوں میں لوگ عموماً کس عمر تک زندہ رہینگے۔

اس حوالے سے آج ہم آپ کو اس آرٹیکل میں ضرور بتائیں گے لیکن یہ بات ضرور یاد رکھیں کہ  ذہنی دباؤ سے بچنا طویل عمری کا راز ہے۔

سائنس سے ملنے والے شواہد کے مطابق ایک انسان کی زندگی کا عرصہ 150 سال کا ہے لیکن یہ اس وقت کم ہوجاتا ہے جب اسے کوئی بیماری لاحق ہوجائے یا پھر  کسی قدرتی آفت کا شکار ہوجائے۔

دوسری جانب سائنسدانون کا یہ بھی کہنا ہے کہ  اگر انسان کی اوسط عمر میں اضافہ ہوتا ہے تو اس سے مستقبل کے حوالے سے سوچنے کے انداز میں تبدیلی آسکتی ہے اور ممکن ہے کہ وہ مختلف کیریئرز اپنائیں اور اپنی زندگی کے مختلف مراحل کو ایک تسلسل میں لا سکیں۔

حالیہ تاریخ میں کچھ مراحل ایسے بھی آئے ہیں جس سے انسان کی اوسط عمر کے حوالے سے اچھے امکانات نہیں ملتے ہیں۔