معروف بھارتی اداکار شوٹنگ کے دوران شدید زخمی، ویڈیو وائرل

اریبہ نثارویب ایڈیٹر

23rd Jul, 2021. 08:23 pm

بھارتی فلم انڈسٹری کے نامور تامل اداکار ویشال شوٹنگ کے دوران شدید زخمی ہوگئے۔

غیر ملکی خبر رساں ادارے کے مطابق تامل اداکار ویشال کا شوٹنگ کے دوران زخمی ہونے کا ایک مختصر ویڈیو کلپ وائرل ہورہا ہے جس میں وہ اپنی آنے والی فلم کا ایکشن سین شوٹ کررہے ہیں۔

ویڈیو کلپ میں دیکھا جاسکتا ہے کہ ویشال رسیوں سے بندھے ہوئے ہیں اور فلم کے کلائمیکس سین کی شوٹنگ ہورہی ہے۔

رسیوں سے بندھے ہونے کے باوجود ویشال دوبار کسی سخت چیز سے زوردار طریقے سے ٹکراتے ہیں جس کی وجہ سے ان کی کمر پرچوٹ آگئی۔

اداکار کے زخمی ہونے پر صارفین ان کی جلد صحت یابی کے لیے دعا کررہے ہیں۔

واضح رہے کہ اداکار ویشال کی فلم کا نام ابھی تک منظرعام پر نہیں آیا ہے جب کہ اس فلم کو سروانن ڈائریکٹ کررہے ہیں اور یہ ان کی بطور ہدایت کار پہلی فلم ہے۔

Adsence 300X250