کسی کو بھی اس بار الیکشن میں ووٹ اغوا نہیں کرنے دیں گے، مریم اورنگزیب

اریبہ تنویر

23rd Jul, 2021. 07:00 pm
مریم اورنگزیب

مریم اورنگزیب نے کہا ہے کہ کسی کو بھی اس بار الیکشن میں ووٹ اغوا نہیں کرنے دیں گے۔

تفصیلات کے مطابق پاکستان مسلم لیگ (ن) کی ترجمان مریم اورنگزیب نے سماجی رابطے کی ویب سائٹ ٹویٹر پر اپنے ایک پیغام میں کہا کہ مسلم لیگ (ن) نے الیکشن کے دن مانیٹیرنگ کی حکمت عملی تیار کر لی ہے جبکہ مانیٹرنگ ٹیموں کے علاوہ قانونی امداد کے لیے لیگل ٹیمز بھی تشکیل دی گئی ہیں۔

مریم اورنگزیب نے ٹویٹ میں کہا کہ پارٹی رہنماوں اور کارکنان کوالیکشن ڈے مانیٹرنگ کے لئے ذمہ داریاں تفویض کردی گئیں ہیں۔

انھوں نے بتایا کہ الیکشن کے دن 24 گھنٹے مانیٹرنگ کرنے کے لیئے ایک مرکزی سپیشل مانیٹرنگ سیل قائم کیا گیا ہے تاکہ ووٹ چوری کی کسی بھی کوشش کو ناکام بنایا جائے۔ پارٹی کے رہنما اور کارکنان اپنے اپنے علاقوں میں تمام صورتحال سے مانیٹرنگ سیل کو آگاہ رکھیں گے۔

ان کا کہنا تھا کہ پورے آزاد جموں وکشمیر میں انتخابات کے دن نگرانی کے لئے مبصر ٹیمیں تشکیل دے دی گئیں ہیں،کسی کو بھی اس بار الیکشن میں ووٹ اغوا نہیں کرنے دیں گے۔

Adsence 300X250