پاکستان مسلم لیگ ن کی نائب صدر مریم نواز نے کہا کہ ن لیگ کے جلسوں سے حکمران خوفزدہ ہیں۔

سیالکوٹ میں جلسے سے خطاب کرتے ہوئے مریم نواز نے کہا کہ مجھے یقین ہے ضمنی الیکشن میں جیت ن لیگ کی ہوگی، ووٹ کوعزت کیسے دی جاتی ہے یہ ڈسکہ والوں نے بتادیا ہے، آزاد کشمیرمیں بھی جگہ جگہ سیالکوٹ اور ڈسکہ کو یاد کیا، ن لیگ کے جلسوں سے حکمران خوفزدہ ہیں، آپ کی کارکردگی کیا ہے کہ کشمیر ووٹ مانگنے جاتے ہیں۔

انہوں نے کہا کہ تین سال حکومت میں رہنے کے باوجود کارکردگی بتانے کیلئے کچھ نہیں، عوام فیصلہ کریں، نوازشریف دور میں آٹا کتنے کا تھا اورآج کتنے کا ہے؟ نوازشریف 22 گھنٹے لوڈشیڈنگ کو زیرو پرلائے۔ آج ایک بار پھر14،14 گھنٹے کی لوڈشیڈنگ ہورہی ہے، سلیکٹڈ کروڑوں روپے خرچ کرنے کے بعد بھی صرف جلسی کرسکا۔

مریم نواز نے مزید کہا کہ آپ نے اپنی اور وزرا کی تنخواہوں میں لاکھوں روپےاضافہ کیا، عوام کو کہتے ہیں کہ صرف 20 ہزارمیں گزارا کریں۔ آپ عوام کو کہتے ہیں کہ صرف 20 ہزارمیں گزارا کریں۔

انہوں نے کہا کہ افغان مشیر نے نوازشریف سے ملاقات کیا کی ان کی سانسیں پھول گئیں۔ آج پاکستان میں عوامی طاقت نوازشریف کے پاس ہے۔ آپ غدار کہیں لیکن عوام نوازشریف کو سب سے بڑا محب وطن سمجھتے ہیں۔

مریم نواز نے کہا کہ عمران خان کا گزارہ اے ٹی ایمز سے ہوتا ہے۔ نوازشریف نے لندن میں بیٹھ کرانکے گھر خیبرپختونخوا میں گھس کر مارا، عمران خان کے وزیردفاع اپنے دفاع کے قابل نہیں رہے۔ 28 جولائی ووٹ چوروں کے حساب و کتاب کا دن ہے۔