سعودی وزیر خارجہ فرحان بن فیصل کل پاکستان کا دورہ کریں گے ، زاہد حفیظ چوہدری

مریم اقبال

26th Jul, 2021. 08:01 pm
ترجمان دفترخارجہ

ترجمان دفترخارجہ زاہد حفیظ چوہدری نے کہا کہ سعودی وزیر خارجہ فرحان بن فیصل کل وزیر خارجہ شاہ محمودقریشی کی دعوت پر پاکستان کا دورہ کریں گے اور ان کے ہمراہ ایک اعلیٰ سطح کا وفد بھی پاکستان پہنچے گا۔

تفصیلات کے مطابق ترجمان دفترخارجہ زاہد حفیظ چوہدری نے کہا کہ سعودی وزیر خارجہ فرحان بن فیصل کل پاکستان کا دورہ کریں گے اور دونوں وزرائے خارجہ باہمی تعلقات کے تمام پہلووں,  علاقائی اور عالمی معاملے پر تبادلہ خیال کریں گے جبکہ سعودی وزیر خارجہ دورے میں دیگر پاکستانی حکام سے بھی ملاقاتیں کریں گے۔

زاہد حفیظ چوہدری نے کہا کہ مئی میں وزیراعظم عمران خان کے دورہ سعودی عرب کے تناظر میں سعودی وزیر خارجہ کا دورہ اہمیت کا حامل ہے۔

ترجمان دفترخارجہ زاہد حفیظ چوہدری نے کہا کہ دورہ دونوں ممالک کی قیادت کے ویژن کے مطابق باہمی تعاون کے فروغ کے جائزے کا بروقت موقع فراہم کرے گا ، پاکستان اور سعودی عرب کے دیرینہ ، برادرانہ اور تاریخی تعلقات ہیں۔

Adsence 300X250