ہالی ووڈ فلمی سیریز ‘فاسٹ اینڈ فیوریس’ میں اداکار ڈیوائن جانسن المعروف ’دی راک‘ مزید اداکاری کے جوہر نہیں دکھائیں گے۔
معروف ہالی ووڈ اداکار ڈیوائن جانسن نے ‘فاسٹ اینڈ فیوریس ‘سیریز کی مزید فلموں میں اداکاری نہ کرنے کی تصدیق کردی ہے۔
اداکار ڈیوائن جانسن 2011 سے اس سیریز کی فملوں میں کام کررہے تھے۔
سوسشل میڈیا پر افواہیں گردش کررہی تھیں کہ وین ڈیزل نے مبینہ طور پر فاسٹ اینڈ فیوریس سیریز میں ڈیوائن جانسن کی بہترین کارکردگی کا سہرا بھی اپنے سر باندھنے کی کوشش کی جس کی وجہ سے ان دونوں کے درمیان مبینہ جھگڑا ہوا جو ڈیوائن جانسن کا اس سیریز کی مزید فلموں میں کام کرنے سے انکار کی وجہ بنا ۔
جبکہ اس حوالے سے ڈیوائن جانسن کا کہنا تھا کہ میں اس بات پر ہنسا اور بہت ہنسا میرے خیال سے اس پر سب کو ہی ہنسنا چاہیے، میں اُن کیلئے نیک خواہشات کا اظہار کرچکا ہوں۔
ڈیوائن جانسن نے مزید کہا کہ اس کے علاوہ میں فاسٹ اینڈ فیوریس 9 ، 10، 11 بلکہ میرے بغیر بننے والی اس سیریز کی تمام فلموں کیلئے نیک تمناؤں کا اظہار کرتا ہوں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News