کورونا ویکسین کے بغیر اندرون ملک سفر پر پابندی عائد

وریشہ مسعود

30th Jul, 2021. 07:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا ویکسین کے بغیر اندرون ملک سفر پر پابندی عائد

سول ایوی ایشن اتھارٹی نے کورونا ویکسین کے بغیر اندرون ملک سفر پر پابندی عائد کردی ہے۔

تفصیلات کے مطابق سول ایوی ایشن اتھارٹی نے کورونا ویکسین کے بغیر اندرون ملک سفر پر پابندی عائد کردی ہے، پابندی کے حوالے سے سول ایوی ایشن اتھارٹی نے نوٹیفکیشن بھی جاری کردیا ہے۔

نوٹیفکیشن کے مطابق آٹھارہ سے زیادہ عمر کے افراد ویکسین کے بغیر اندرون ملک سفر نہیں کرسکیں گے، پابندی کا اطلاق یکم آگست سے ہوگا جبکہ نئی پابندی کا اطلاق بین الاقوامی پروازوں پر نہیں ہوگا۔

نوٹیفکیشن میں کہا گیا ہے کہ ڈومیسٹک پرواز میں سفر سے پہلے مسافر کو کورونا ویکسینیشن کا ثبوت فراہم کرنا ہوگا۔

نوٹیفکیشن میں یہ بھی کہا گیا ہے کہ غیر ملکی یا ایک ڈوز لگوانے والے مسافر نئی پابندی سے مستثنی ہوں گے۔

نوٹیفکیشن میں مزید کہا گیا ہے کہ بیرون ملک سے ویکسین لگوانے والے بھی پابندی سے مستثنی ہوں گے جبکہ ایسے افراد جنہیں ڈاکٹرز نے ویکسین لگوانے سے منع کیا ہے وہ بھی مستثنی ہوں گے۔