پی آئی اے نے فیصل آباد سے اسکردو کے لئے پروازوں کا آغاز کردیا۔
تفصیلات کے مطابق ترجمان پی آئی اے نے اپنے ایک بیان میں کہا کہ پہلی پرواز پی کے 6459 فیصل آباد سے اسکردو کے لئے 129 مسافروں کو لے کر روانہ ہوئی۔
ترجمان پی آئی اے نے کہا کہ پی آئی اے ملکی سیاحت کو فروغ دینے کے لئے اسلام آباد، کراچی، لاہور، سیالکوٹ سے بھی اسکردو کے لئے پروازیں چلا رہی ہے۔
ترجمان پی آئی اے کا کہنا تھا کہ فیصل آباد سے اسکردو پرواز کے آغاز سے تاجر برادری اور فیصل آباد کے رہائشیوں کا دیرینہ مطالبہ بھی پورا ہو گیا ہے۔
ترجمان پی آئی اے کا یہ بھی کہنا تھا کہ رواں سال شمالی علاقہ جات کے لئے شروع کی گئی پروازوں کو عوام میں بہت زیادہ مقبولیت حاصل ہوئی ہے، ڈیمانڈ کے مطابق پروازوں کی تعداد میں اضافہ کیا جائے گا۔
Advertisement
ترجمان پی آئی اے کا مزید کہنا تھا کہ فیصل آباد ایئرپورٹ پر پی آئی اے افسران نے مسافروں کو الوداع کیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
