ماحول دوست اقدامات ہماری ترجیحات میں شامل ہیں، صادق سنجرانی

اسفا سروت

30th Jul, 2021. 01:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ماحول دوست اقدامات ہماری ترجیحات میں شامل ہیں، صادق سنجرانی

چیئرمین سینیٹ محمد صادق سنجرانی نے کہا کہ ماحول دوست اقدامات ہماری ترجیحات میں شامل ہیں۔

تفصیلات کے مطابق چیئرمین سینیٹ محمد صادق سنجرانی اور ڈپٹی چیئرمین سینیٹ مرزا محمد آفریدی نے پارلیمنٹ ہاؤس کے لان میں پودا لگا کر شجر کاری مہم کا آغاز کر دیا۔

صادق سنجرانی نے کہا کہ ماحول دوست رویوں کے فروغ کیلئے تمام اداروں کو ملکر کام کرنے کی ضرورت ہے، موسمیاتی تبدیلیوں کے اثرات کو بھر پور شجر کاری اور ماحول دوست اقدامات سے ہی کم کیا جاسکتا ہے۔

انہوں نے مزید کہا کہ درخت لگانا ہماری انفرادی و اجتماعی ذمہ داری ہے، عوام سے اپیل ہے کہ درخت لگائیں اور ماحول دوست رویے اپنائیں۔

دوسری جانب ڈپٹی چیئرمین سینیٹ مرزا محمد آفریدی نے کہا کہ صاف ماحول ترقی پسند سوچ کی عکاسی کرتا ہے، پارلیمان موسمیاتی تبدیلیوں کے اثرات کو کم کرنے کیلئے مؤثر قانون سازی کیلئے کوشاں ہیں۔

ڈپٹی چیئرمین سینیٹ مرزا محمد آفریدی نے اپیل کی کہ عوام شجر کاری مہم میں بڑھ چڑھ کر حصہ لیں۔

اس موقع پر سینیٹرز فدا محمد، زیشان خانزادہ کے علاوہ سیکرٹری سینیٹ محمد قاسم صمد خان بھی موجود تھے۔