پاکستان میں اقلیتی برادری کو تمام حقوق حاصل ہیں ، ڈاکٹر فردوس عاشق اعوان

مریم اقبال

07th Jul, 2021. 01:47 pm

معاون خصوصی برائے اطلاعات و نشریات ڈاکٹر فردوس عاشق اعوان نے کہا کہ پاکستان میں اقلیتی برادری کو تمام حقوق حاصل ہیں۔

تفصیلات کے مطابق معاون خصوصی برائے اطلاعات و نشریات  ڈاکٹر فردوس عاشق اعوان نے کیتھولک چرچ ریگل چوک کا دورہ کیا ،  چرچ انتظامیہ ، سیکرڈ ہارڈ سکول کے عہدیداران سے ملاقات کی اور کہا کہ اقلیتی برادری کی فلاح و بہبود پی ٹی آئی کے منشور کا حصہ ہے۔

انہوں نے کہا کہ اقلیتی برادری کی ملک و قوم کیلئے خدمات قابل تحسین ہیں ، ملکی ترقی میں اقلیتی برادری نے بڑھ چڑھ کر حصہ لیا ، پی ٹی آئی کی حکومت اقلیتی برادری کے حقوق پر پہرہ دے رہی ہے۔

معاون خصوصی برائے اطلاعات و نشریات  ڈاکٹر فردوس عاشق اعوان نے کہا کہ وزیراعظم عمران خان اور وزیراعلیٰ عثمان بزدار اقلیتی برادری کے حقوق کے بڑے داعی ہیں ، پی ٹی آئی نے ملک کی تمام اکائیوں کو ایک خوبصورت گلدستے میں پرو دیا ہے۔

Adsence 300X250