اقوام متحدہ میں پاکستان کے مستقل مندوب سفیر منیر اکرم نے کہا ہے کہ عید الاضحیٰ ہمیں قربانی کے عظیم جذبے کی یاد دلاتا ہے۔

تفصیلات کے مطابق اقوام متحدہ میں پاکستان کے مستقل مندوب سفیر منیر اکرم نے عید الاضحیٰ کے موقع پر پیغام میں کہا کہ عید کے اس پر مسرت موقع پر میں اقوام متحدہ کی مسلمان کمیونٹی اور تمام مسلمان بھائیوں سے عید الاضحٰی  کی پُرجوش مبارکباد پیش کرنا چاہتا ہوں۔

پاکستان کے مستقل مندوب سفیر نے کہا کہ عید الاضحیٰ قربانی کا تہوار ہے، یہ موقع ہمیں قربانی کے عظیم جذبے کی یاد دلاتا ہے  لہذا ان مشکل وقتوں میں ہم قربانی کے جذبے پر ایک بار پھر زور دیں اور ضرورت مندوں کی مدد کریں۔

منیر اکرم نے یہ بھی کہا کہ کورونا جیسے وبائی مرض سے وابستہ بحالی کے لئے عالمی یکجہتی ، بھائی چارے اور اسلام کی اعلیٰ اقدار پر عمل کی ضرورت ہے۔

پاکستان کے مستقل مندوب سفیر کا کہنا تھا کہ اس عید سے پر  مقبوضہ جموں و کشمیر کے ہمارے بھائی بہنوں کو امن اور خوشحالی نصیب ہو جو کرونا وباء کے بحران کے سبب اور دنیا کے طویل عرصے سے محاصرے کے دوران بے پناہ مصائب کا سامنا کا شکار ہیں۔

منیر اکرم کا یہ بھی کہنا تھا کہ ہندوستان کے قابض اقتدار اور غیرقانونی یکطرفہ اقدامات کی وجہ سے وہ عید کی خوشیاں منانے سے قاصر ہیں۔

اقوام متحدہ میں پاکستان کے مستقل مندوب سفیر منیر اکرم کا مزید کہنا تھا کہ اس عید پر بھوک اور عدم مساوات ، ناانصافی اور امتیازی سلوک کے خاتمے کے  لئے اپنے عہد کی بھی توثیق کریں۔