ٹوکیو اولمپکس: میڈل تقریب میں صرف 30 سیکنڈز تک ماسک اتارنے کی اجازت

کلثوم ہرا

26th Jul, 2021. 09:12 pm

انٹرنیشنل اولمپک کمیٹی (آئی او سی) نے ٹوکیو اولمپکس میں وکٹری اسٹینڈ پر کوویڈ پروٹوکولز کے تحت میڈل تقریب میں 30 سیکنڈز تک ماسک اتارنے کی اجازت دے دی۔

انٹرنیشنل اولمپک کمیٹی کے مطابق ایتھلیٹس فوٹو کے علاوہ پلیٹ فارم پر سماجی فاصلہ قائم رکھیں، ماسک صرف تیس سیکنڈز کے لئے اتار سکتے ہیں تاہم کئی ایتھلیٹس مقررہ وقت سے زیادہ ماسک اتارتے دیکھے گئے ہیں۔

آئی او سی کے مطابق سپورٹ اسٹاف اور کوچز کو بھی پروٹوکولز کی خلاف ورزی کرتے دیکھا گیا، سپورٹ اسٹاف اور کوچز اسٹینڈز سے چلاتے ہیں، ایک دوسرے کو گلے لگاتے ہیں، تمام افراد ٹوکیو اولمپکس کے ضابطے کے مطابق چلیں۔

انٹرنیشنل اولمپک کمیٹی نے اس بات پر زور دیا کہ بدقسمتی سے ہم جشن منانے کی اجازت نہیں دے سکتے، ایتھلیٹس صرف سماجی فاصلہ برقرار رکھ کر تصویر لے سکتے ہیں۔

Adsence 300X250

مزید پڑھیں