وزیرخارجہ مخدوم شاہ محمود قریشی کی ازبکستان کے وزیر خارجہ عبدالعزیز کامیلوف سے ملاقات ہوئی ہے۔

تفصیلات کے مطابق وزیر خارجہ مخدوم شاہ محمود قریشی کی دوشنبے میں منعقدہ شنگھائی تعاون تنظیم کی وزرائے خارجہ کونسل کے اجلاس کے موقع پر ازبکستان کے وزیر خارجہ عبدالعزیز کامیلوف سے ملاقات ہوئی جس میں دونوں وزرائے خارجہ نے دو طرفہ تعلقات کے فروغ کیلئے مشترکہ کاوشیں بروئے کار لانے پر اتفاق کیا۔

Pleased to meet FM #AbdulazizKamilov on sidelines of #SCOCFM & to discuss greater bilateral cooperation, including finalisation of projects for rail & air links between Pakistan & Uzbekistan. Exchanged views on developments in 🇦🇫 & I shared 🇵🇰 efforts towards peace & stability. pic.twitter.com/TecG3pmrQ4

— Shah Mahmood Qureshi (@SMQureshiPTI) July 13, 2021

ملاقات میں دونوں وزرائے خارجہ کے مابین دو طرفہ تعلقات باہمی دلچسپی کے شعبہ جات میں دو طرفہ تعاون کے فروغ اور مقبوضہ جموں و کشمیر سمیت علاقائی صورتحال پر تبادلہ خیال کیا گیا۔

اس موقع پر دونوں وزرائے خارجہ نے مستحکم دو طرفہ  تعلقات پر اطمینان کا اظہار کرتے ہوئے انہیں دونوں ممالک کی قیادت کی جانب سے خصوصی توجہ اور اہمیت کا مظہر قرار دیا۔

دونوں وزرائے خارجہ نے پاکستان اور ازبکستان کے درمیان زمینی و ہوائی روابط کے فروغ اور توانائی سے متعلقہ منصوبوں کو جلد پایہ تکمیل تک پہنچانے کیلئے اپنے عزم کا اظہار کیا۔

[amazonad category=”Mobile”]

دونوں وزرائے خارجہ نے پاکستان اور ازبکستان کے مابین ایس سی او سمیت بین الاقوامی فورمز پر تعاون کو خوش آئند قرار دیا اور اسے مزید مستحکم بنانے کیلئے مشترکہ کوششیں بروئے کار لانے کی ضرورت پر زور دیا۔

اس موقع پر افغانستان کی بدلتی ہوئی صورتحال اور قیام امن کیلئے پاکستان کے مصالحانہ کردار پر بھی گفتگو ہوئی جس پر ازبکستان کے وزیر خارجہ نے افغانستان میں قیام امن کیلئے پاکستان کی کاوشوں کو سراہا۔

ازبکستان کے وزیر خارجہ نے پاکستان کے جیو اکنامک وژن کی تعریف کرتے ہوئے اسے ازبکستان کے اقتصادی وژن کے مطابق قرار دیا۔

ازبکستان کے وزیر خارجہ نے کہا کہ ان کی قیادت وزیر اعظم عمران خان، وزیر خارجہ اور پاکستانی وفد کی تاشقند میں منعقدہ کاسا کانفرنس میں آمد کے منتظر ہیں۔