سعودی حکومت کی جانب سے سفری پابندی ختم

مریم اقبال

31st Jul, 2021. 06:55 pm

سعودی حکومت کی جانب سے کل سے سفری پابندی ختم کر دی گئی ہے۔

تفصیلات کے مطابق سعودی عرب کے دروازے اتوار یکم اگست سے سیاحوں کے لیے کھول دیے جائیں گے ۔

ذرائع کے مطابق ڈیڑھ برس  کی پابندی کے بعد بیرونی سیاحوں کو سعودی عرب  آنےکے لیے شرائط پوری کرنا لازمی ہے ، غیر ملکی سیاحوں  کا کورونا ویکسین کی دونوں خوراکیں مکمل ہونا لازمی ہے۔

سعودی عرب نے 49 ممالک کی فہرست جاری کی ہے جہاں کے شہری سیاحتی ویزے پر آسکتے ہیں ، ان ممالک میں امریکہ، کینیڈا، انڈورا، آسٹریا، بیلجیئم، بلغاریہ، کروئشیا، قبرص، چیک، ڈنمارک، استونیا، فن لینڈ، فرانس، جرمنی، یونان، ہالینڈ، ہنگری، آئس لینڈ، آئرلینڈ، اٹلی، لٹویا، لیشٹنسٹائن، لتھوینیا، لکسمبرگ، مالٹا، موناکو، مونٹی نیگرو، ناروے، پولینڈ، پرتگال، رومانیہ، روس، سان مارینو، سلوواکیہ، سپین، سویڈن، سوئٹززلینڈ، یوکرین، برطانیہ، برونائی، چین، ہانگ کانگ، مکاؤ، جاپان، قازقستان، ملائشیا، سنگاپور، جنوبی کوریا، اوقیانوسیہ، آسٹریلیا اورنیوزی لینڈ شامل ہیں۔

سعودی محکمہ شہری ہوابازی نے کہا ہے کہ سیاحتی ویزہ ہولڈرز صرف ان ممالک سے سعودی عرب آسکیں گے جہاں سے آمد پر پابندی نہیں ہے ، وہی سیاح آسکیں گے جو سعودی عرب میں منظور شدہ کورونا ویکسینز میں سے کسی ایک ویکسین کی مطلوبہ خوراکیں لگوا چکے ہوں گے۔

اس کے علاوہ سعودی حکومت کی منطور شدہ  ویکسین  کی فہرست میں فائزر، آسٹرا زینیکا، موڈرینا اور جانسن اینڈ جانسن  شامل ہیں۔

واضح رہے کہ عمرہ کرنے پر جو پابندیاں لگائی تھیں وہ برقرار رہیں گی۔

Adsence 300X250