فائزر کووڈ 19 ویکسین دنیا کی چند موثر ترین ویکسینز میں سے ایک ہے جس کی افادیت 90 فیصد سے زیادہ ہے۔
تاہم کورونا وائرس کی نئی قسم ڈیلٹا کے خلاف یہ ویکسین کتنی موثرہے اس بارے میں نئے حقائق سامنے آ ئے ہیں۔
سوشل میڈیا رپورٹس کے مطابق کورونا ویکسین تیار کرنے والی امریکی کمپنی فائزر نے دعویٰ کیا ہے کہ کرونا کے خلاف ویکسین کی تیسری خوراک زیادہ تحفظ فراہم کرتی ہے جو ڈیلٹا ویرینٹ کے خلاف بھی موثر ہے۔
بین الاقوامی ذرائع ابلاغ کے مطابق کرونا وائرس سے تحفظ کےلیے ویکسین تیار کرنے والی امریکی دوا ساز کمپنی فائزر کی جانب سے کیا گیا دعویٰ ایک تحقیق کے بعد سامنے آیا ہے، جس میں کمپنی کا کہنا ہے کہ تیسری خوراک لگوانے سے 18 سے 55 سال عمر کے افراد میں اینٹی باڈیز کی سطح میں پانچ فیصد سے زائد اضافہ ہوتا ہے۔
رپورٹ میں کہا گیا ہے کہ بوسٹر شاٹ (تیسری خوراک) سے 65 سے 85 برس کے افراد کا مدافعتی نظام دوسری خوراک کے مقابلے میں گیارہ گنا بہتر پایا گیا۔
امریکی دوا ساز کمپنی کے مطابق ویکسین کی تیسری خوراک لگوانے سے ڈیلٹا ویرینٹ کے خلاف 100 فیصد تحفظ ملتا ہے۔
واضح رہےکہ اس تحقیق کو تاحال کسی طبی جریدے میں شائع نہیں کیا گیا ۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News