ن لیگ کی ایم این اے شائستہ پرویز نے کہا ہے کہ ہم آزاد ہیں، ہمیں آزادی کا احساس بھی ہونا چاہئے۔

تفصیلات کے مطابق ن لیگ کی ایم این اے شائستہ پرویز نے جشن آزادی کے حوالے سے اپنے ایک بیان میں کہا  کہ آزادی کیا ہے یہ افغانستان کے جہازوں سے لٹکے ہوئے لوگوں سے پوچھیں اس لیے ہمیں چاہیے کہ ہم آزادی کی قدر کریں۔

  شائستہ پرویز کا کہنا تھا کہ شہباز شریف اورنواز شریف کا ایک ہی بیانیہ ہے، وہ بیانیہ ووٹ کو عزت دینے کا ہے اوراگروہ دونوں اداروں کی خود مختاری اور بالا دستی کی بات کرتے ہیں تو اس میں غلط کیا ہے۔

شائستہ پرویز کا کہنا تھا کہ 14 اگست کو مینار پاکستان پر جو کچھ ہوا اس سے میرا سر شرم سے جھک گیا ہے، یہ نہی ہونا چاہئے تھا،ہمیں خواتین کا بھی احترام کرنا چاہئےاور ہمیں عورت کو انکا صحیح مقام دینا چاہئے۔

ن لیگ کی ایم این اے شائستہ پرویزکا مزید کہنا تھا کہ ہم آزاد ہیں، ہمیں آزادی کا احساس بھی ہونا چاہیے۔ ہمیں اقلیتوں سمیت تمام لوگوں کو ساتھ لیکر چلنا چاہیے اور اسی میں ملک کی ترقی ہے۔