صوبائی وزیر تعلیم پنجاب ڈاکٹر مراد راس نے راولپنڈی میں اساتذہ کے ساتھ پیش آنے والے افسوسناک حادثے پر تعزیت اظہار کیا۔

تفصیلات کے مطابق صوبائی وزیر تعلیم پنجاب ڈاکٹر مراد راس نے کہا کہ  راولپنڈی میں پیش آنے والے حادثے میں شہید ہونے والے اساتذہ کے خاندانوں کا ناقابل تلافی نقصان ہوا ہے، اس غم کی گھڑی میں پوری قوم شہداء کے اہلخانہ کے ساتھ کھڑی ہے۔

مراد راس نے کہا کہ پنجاب حکومت کی جانب سے زخمیوں کو مکمل طبی سہولیات فراہم کی جا رہی ہیں۔

صوبائی وزیر تعلیم پنجاب مراد راس نے مزید کہا کہ شہید ہونے والے اساتذہ کے جسد خاکی ان کے آبائی علاقوں کی جانب روانہ کر دیئے گئے ہیں۔