ضلع اوکاڑہ میں 20 ستمبر سے شروع ہونے والی پولیو مہم کا افتتاح کردیا گیا ہے۔
تفصیلات کے مطابق اوکاڑہ ڈسٹرکٹ اسپتال میں ڈپٹی کمشنر محمد علی اعجاز نے بچوں کو پولیو کے قطرے پلا کر مہم کا آغاز کیا ہے۔
ڈپٹی کمشنر محمد علی اعجاز کا کہنا ہے کہ اوکاڑہ میں تین روزہ مہم کے دوران ساڑھے پانچ لاکھ سے زائد بچوں کو پولیو خوراک دی جائے گی۔
ان کا کہنا تھا کہ اوکاڑہ پولیو مہم کے دوران محکمہ صحت کی ٹیم کو مکمل سکیورٹی فراہم کی جائے گی۔
واضح رہے کہ حکومت کی جانب سے قومی انسداد پولیو مہم رواں ماہ چلانے کا فیصلہ کیا گیا ہے، قومی انسداد پولیو مہم 3 مراحل میں چلائی جائے گی پہلے مرحلے میں کے پی کے 34 اضلاع میں 21 تا 17 تک ستمبر میں پولیو مہم چلے گی جبکہ دوسرے فیز میں ملک بھر میں پولیو مہم 20 تا 24 ستمبر منعقد ہو گی اور تیسرے فیز میں جنوبی وزیرستان میں پولیو مہم 27 ستمبر تا 1 اکتوبر چلے گی۔
خیال رہے کہ قومی انسداد پولیو مہم میں ساڑھے 4 کروڑ بچوں کی ویکسینیشن ہو گی جبکہ 335387 فرنٹ لائن ورکرز قومی انسداد پولیو مہم میں حصہ لیں گے اور 268275 موبائل، 10505 فکس، 12154 ٹرانزٹ ٹیمیں بھی پولیو مہم میں شریک ہونگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News