انٹر بینک میں ڈالر کی قیمت میں کاروباری ہفتے کے چوتھے روز اضافہ ریکارڈ کیا گیا ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 41 پیسے کا اضافہ ریکارڈ کیا گیا ہے۔

فاریکس ڈیلرز کے مطابق انٹربینک میں ڈالر 167.25 سے بڑھ کر 167.66 روپے پر بند ہوا ہے۔

Interbank closing #ExchangeRate for today:https://www.bolnews.com/urdu/latest/2021/09/284251/amp/ pic.twitter.com/T2Xj0nhHzV

Advertisement

— SBP (@StateBank_Pak) September 9, 2021

اسٹیٹ بینک آف پاکستان کا کہنا ہے کہ زرمبادلہ کے ذخائر میں 12.3کروڑ ڈالر کی کمی ہوگئی ہے ، ذخائر کی مجموعی مالیت 27ارب 10کروڑ روپے رہ گئی ہے۔

اسٹیٹ بینک آف پاکستان کا کہنا ہے کہ مرکزی بینک کے پاس 20ارب ڈالر کے ذخائر ہیں ، کمرشل بینکوں کے پاس 7ارب ڈالر کا زرمبادلہ ہے۔

واضح رہے کہ پاکستان بھر میں کاروباری ہفتے کے چوتھے روز سونے کی قیمت میں اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 500 روپے اضافے کے بعد 1 لاکھ  12 ہزار  روپے ہوگئی ہے جبکہ 10 گرام سونے کی قیمت 429 روپے اضافے کے بعد 96 ہزار 22 روپے ہوگئی ہے۔

قیمتوں میں اضافے کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں سونے کی فی تولہ قیمت 500 روپے اضافے کے بعد 1 لاکھ  12 ہزار  روپے ہوگئی ہے جبکہ 10 گرام سونے کی قیمت 429 روپے اضافے کے بعد 96 ہزار 22 روپے ہوگئی ہے۔

عالمی مارکیٹ میں 5 ڈالر کی کمی سے فی اونس سونا1795 ڈالر کا ہوگیا ہے۔