پاکستان کرکٹ ٹیم کا ون ڈے اسکواڈ اسلام آباد پہنچ گیا ہے۔

تفصیلات کے مطابق ہوٹل پہنچنے پر قومی اسکواڈ میں شامل تمام ارکان کی کوویڈ 19 ٹیسٹنگ کی گئی، اسکواڈ میں شامل تمام ارکان ایک روز مکمل آئسولیشن میں رہیں گے۔

ذرائع کا کہنا ہے کہ  آئسولیشن مکمل کرنے اور کووڈ 19 ٹیسٹنگ کے رزلٹ منفی آنے پر قومی اسکواڈ 10 ستمبر سے اپنی ٹریننگ کا آغاز کردے گا۔

اسکواڈ میں شامل کچھ کھلاڑی اور اسپورٹ اسٹاف اسلام آبا پہنچ گئے ہیں جبکہ  فہیم اشرف، حسن علی،محمد حسنین اور محمد وسیم جونیئر بھی اسلام آباد پہنچ گئے ہیں۔

ذرائع کا کہنا ہے کہ سعود شکیل، افتخار احمد، شاہنواز دھانی، زاہد محمود اور محمد حارث کی بھی اسکواڈ کے ہمراہ  اسلام آباد پہنچےجبکہ کپتان بابر اعظم، امام الحق، شاداب خان اور محمد رضوان سمیت باقی تمام کھلاڑی پہلے ہی اسلام آباد پہنچ چکے ہیں۔

ذرائع کا کہنا تھا کہ ٹیم مینجر منصور رانا، ہیڈ کوچ ثقلین مشتاق اور اسسٹنٹ کوچ عبدالرزاق سمیت ٹرینر ڈرائکس سائمن بھی اسکواڈ کے ہمراہ اسلام آباد پہنچ گئے ہیں۔

ذرائع کا مزید کہنا ہےکہ اسپورٹ اسٹاف میں شامل دیگر ارکان میں شاہد اسلم (اسسٹنٹ ٹو ہیڈ کوچ)، طلحہ اعجاز (اینالسٹ) اور کلف ڈیکن (فزیو) شامل ہیں جبکہ ابراہیم بادیس محمد (میڈیا منیجر) اور عبدالمجید (فیلڈنگ کوچ) بھی اسلام آباپہنچ گئے ہیں۔