وفاقی وزیر امین الحق نے کہا کہ 25 ارب کا فنڈ کہاں خرچ ہوا کراچی کی عوام سوال کرتی ہے۔

تفصیلات کے مطابق وفاقی وزیر امین الحق نے کہا کہ صارفین کے حقوق کی بات کی جائے تو سندھ حکومت یاد آتی ہے ، 14 سالوں سے سندھ حکومت یہاں موجود ہے۔

انہوں نے کہا کہ آج اسپتال کالجوں کی حالت دیکھ کر افسوس ہوتا ہے ، کتوں کے کاٹنےکی اسپتال میں ویکسن نہیں ہے ، سندھ حکومت کو ہر سال ساڑھے 8ارب ملتےہیں ، وہ فنڈکہاں خرچ ہوتا ہے ، اگر سسٹم کو آگےلیکر چلنا ہےتو مقامی حکومتوں کو بھی مضبوط کرنا ہے۔

وفاقی وزیر امین الحق نے کہا کہ گھر کے آگےگٹر صاف کرنا اور پانی فراہم کرنا یوسی ناظم کونسلر کی ذمہ داری ہے ، وزیراعلیٰ واٹر بورڈ اور اداروں سمیت دیگر محمکوں کے سربراہ بنے ہوئے ہیں ، ڈیجیٹل مردم شماری کے تحت سمری منگل کو کابینہ میں پیش ہورہی ہے ، منظوری کے بعد ملک بھر میں مردم شماری آئندہ سال تک مکمل ہو جائیگی ، کوشش کریں گے پاکستان میں شامل شہریوں کی گنتی مکمل کریں گے۔

امین الحق نے کہا کہ لاہور میٹرو اور پشاور میٹرو صوبائی حکومت نے بنائی ، کراچی میں سیاسی انتقام پر میٹرو نہیں بنائی گئی ، آئندہ ماہ کراچی میں گرین لائن کا آغاز ہوجائیگا۔