Advertisement
Advertisement
Advertisement

کسی کو کشمیر پر سودے بازی کی اجازت نہیں دیں گے، سراج الحق

Now Reading:

کسی کو کشمیر پر سودے بازی کی اجازت نہیں دیں گے، سراج الحق
Advertisement

امیر جماعت اسلامی سراج الحق نے کہا ہے کہ کسی کو کشمیر پر سودے بازی کی اجازت نہیں دیں گے۔

تفصیلات کے مطابق امیر جماعت اسلامی سراج الحق نے ایک تقریب سے خطاب کرتے ہوئے کہا کہ جن لوگوں نے نظریہ پاکستان کا ساتھ محبت کا اظہار کیا ان اب کو پھانسیاں دی گئی، بنگلہ دیش ہو یا کشمیر ہر جگہ پاکستان سے محبت کرنے والوں کی لاشیں جیلوں سے نکلیں۔

امیر جماعت اسلامی نے کہا کہ بنگلہ دیش میں پروفیسر اعظم ہو یا کشمیر میں سید علی گیلانی پاکستانی نظرئے پر جان نچھاور کی، تاریخ بتاتی ہے نظریاتی لوگوں کیلئے موت کوئی اہمیت نہیں رکھتی۔

سراج الحق نے یہ بھی کہا کہ جب سے بھارت نے کشمیر پر کالا قانون پاس کیا جماعت اسلامی کی قیادت کارکنان سمیت جیلوں میں ہے۔

امیر جماعت اسلامی کا کہنا تھا کہ کشمیر کا چپہ چپہ آج سید علی گیلانی ہے، سید علی گیلانی تمام بیماریوں کے باوجود ایک قوت تھے، سید علی گیلانی نے ہزاروں نہیں لاکھوں گیلانی اپنی موت سے پہلے تیار کئے۔

Advertisement

سراج الحق کا یہ بھی کہنا تھا کہ سید علی گیلانی نے کشمیر میں شیر کی طرح پاکستان کی جدوجہد کی جبکہ سید علی گیلانی نے پاکستانی حکمرانوں کو کشمیر پر سودے بازی سے روکے رکھا۔

امیر جماعت اسلامی نے کہا کہ سید علی گیلانی نے لاکھوں قربانیوں کو فراموش نہیں کرنے دیا۔ سید علی گیلانی ایک شیر کی طرح نظریہ پاکستان کے محافظ تھے، سید علی گیلانی کہتے تھے کشمیری بیٹیاں پاکستان کی جنگ لڑ رہی تھی تو پاکستانی حکمران سودے بازی کر رہے تھے۔

سراج الحق نے یہ بھی کہا کہ تمام حکومتوں نے کشمیر کو پس پشت ڈالا ہے، ایک ہزار سال کشمیر کی خاطر جنگ لڑنے کی باتیں کرنے والے ایک گھنٹہ بھی نہ لڑ سکے۔

امیر جماعت اسلامی کا کہنا تھا کہ ظالم انڈین نے سید علی گیلانی رح کے غسل کیلئے پانی نہ بھرنے دیا، سید امام حسین کی طرح سید علی گیلانی کو آخری لمحے پانی سے محروم رکھا گیا۔

سراج الحق کا یہ بھی کہنا تھا کہ آخر کیا وجہ ہے کشمیر آج تک آزاد نہیں ہوا، کشمیر کیلئے سفیر کا کردار ادا کرنے کے دعویدار وزیراعظم آج بات کرنے سے ڈرتے ہیں۔

امیر جماعت اسلامی نے کہا کہ سید علی گیلانی نے اپنا فرض پورا کیا لیکن آج بھی کشمیر پر پاکستانی حکمرانوں نے اپنی ذمہ داریاں پوری نہیں کی۔

Advertisement

سراج الحق نے یہ بھی کہا کہ کشمیری قیادت کو پوری دنیا تک رسائی دی جائے جبکہ کشمیر اسمبلی کو وسعت دے کر پوری دنیا میں ایک نمائندگی دی جائے۔

امیر جماعت اسلامی سراج الحق نے مزید کہا کہ وزیراعظم صاحب کشمیر پر کوئی دوسرا آپشن قبول نہیں کیا جائے گا۔ کسی کو کشمیر پر سودے بازی کی اجازت نہیں دیں گے، جب تک ہمارے کندھوں پر سر موجود ہیں کشمیر کیلئے لڑتے رہیں گے۔

Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
روس پاکستانی برآمد کنندگان کو ترقی کے لیے کافی مواقع فراہم کرتا ہے، جام کمال
ہائیکورٹ ججز کے خط کا معاملہ؛ وزیراعظم کی چیف جسٹس قاضی فائز عیسیٰ سے ملاقات
ملکی ذخائر کو کوڑیوں کے بھاؤ فروخت نہیں ہونے دیں گے،مریم نواز
صوبائی حکومت عوامی فلاح و بہبود کیلئے یونیسیف کے تعاون کو قدر کی نگاہ سے دیکھتی ہے، علی امین گنڈاپور
پاکستان میں عید کب ہوگی؟ رویت ہلال کمیٹی کے چیئرمین کا اہم بیان آگیا
شناختی کارڈ بنوانے کے خواہشمند پاکستانیوں کیلئے بڑی خوشخبری
توجہ کا مرکز میں پاکستان سے مقبول انٹرٹینمنٹ

اگلی خبر