پنجاب میں پولیو مہم کا آغاز 20 ستمبر سے ہوگا

انوشہ شیخ

16th Sep, 2021. 12:10 pm
پولیو وائرس

صوبہ پنجاب میں پولیو مہم کا آغاز 20 ستمبرسے کیا جا رہا ہے۔

تفصیلات کے مطابق پنجاب بھر میں پولیو ٹیموں کی تربیت تکمیل کے مراحل میں ہے، پولیو ٹیموں کی تربیت قومی انسداد پولیو مہم کے سلسلے میں کی جا رہی ہے۔

پنجاب پولیو پروگرام سربراہ سندس ارشاد کا کہنا ہے کہ انسداد پولیو مہم کا انعقاد پنجاب کے تمام ضلعوں میں کیا جا رہا ہے، تمام پولیو ورکرز کو کووڈ 19 ایس او پیز پر خصوصی تربیت دی گئی ہے۔

انہوں نے بتایا ہے کہ مہم میں ایک کروڑ 68 لاکھ سے زائد بچوں کو قطرے پلائے جائیں گے ، پاکستان سے پولیو کے خاتمے کے مثبت آثار ہیں۔

 سندس ارشاد کا کہنا تھا کہ پنجاب میں اس سال پولیو کا کوئی کیس سامنے نہیں آیا ہے کیونکہ مثبت ماحولیاتی نمونوں کی تعداد میں واضح کمی آئی ہے۔

ان کا مزید کہنا تھا کہ وائرس کو ختم کرنے کے لیے ہر بچے کو قطرے پلانا انتہائی ضروری ہے۔

واضح رہے کہ صوبہ پنجاب سے پہلے صوبہ سندھ میں بھی پولیو پہم کامیابی سے مکمل ہوئی تھی۔

Adsence 300X250