پاکستان بمقابلہ نیوزی لینڈ، ون ڈے سیریز کے لیے کمنٹری پینل میں اہم نام شامل کر لیے گئے

انوشہ شیخ

16th Sep, 2021. 11:11 am

پاکستان اور نیوزی لینڈ کے درمیان ہونے والے  ون ڈے سیریز کے لیے کمنٹری پینل میں اہم نام شامل کر لیے گئے ہیں۔

تفصیلات کے مطابق دو خواتین کمنٹیٹرز ثنا میر اور عروج ممتاز کو کمنٹری پینل میں شامل کرلیا گیا ہے جبکہ  ویسٹ انڈیز کے سابق کپتان ڈیرن سیمی بھی میچز پر رائے دیں گے۔

 اسکے علاوہ  بازید خان ، مائیک ہیسمین ، ڈومینک کورک اور سکندر بخت بھی پینل میں شامل ہیں۔

واضح رہے کہ پاکستان اور نیوزی لینڈ کی ٹیموں کے درمیان پہلا ون ڈے میچ کل کھیلا جائے گا جبکہ جبکہ ٹی ٹوئنٹی میچز 25، 26 اور 29 ستمبر کو قذافی اسٹیڈیم لاہور میں کھیلے جائیں گے۔

 یاد رہے کہ این سی او سی نے ایک روزہ اور ٹی ٹوئنٹی میچوں کی اس سیریز کے لیے 25 فیصد تماشائیوں کو سٹیڈیم میں داخلے کی اجازت دی ہے ، اس طرح راولپنڈی کرکٹ اسٹیڈیم میں کھیلے جانے والے تینوں ایک روزہ بین الاقوامی میچز کے لیے کل 4500 تماشائیوں کو داخلے کی اجازت ہوگی جبکہ قذافی اسٹیڈیم لاہور میں ہونے والے پانچ ٹی ٹوئنٹی انٹرنیشنل میچز کے لیے کل 5500 تماشائی اسٹیڈیم میں داخل ہو سکیں گے۔
اس حوالے سے این سی او سی کی جانب سے صرف ان تماشائیوں کو ہی اسٹیڈیم میں داخلے کی اجازت دینے کی شرط عائد کی گئی ہے ، جنہوں نے ویکسین لگوائی ہوئی ہوگی۔

Adsence 300X250