فلموں میں اڑنے والی کار حقیقت بن گئی؛ اڑن کار نےکن دو شہروں کے درمیان پرواز کی؟ جانئیے

فلموں میں اڑنے والی کار حقیقت بن گئی؛ اڑن کار نے کن دو شہروں کے درمیان پرواز کی؟ جانئیے

شبین رضا

02nd Sep, 2021. 11:12 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فلموں میں اڑنے والی کار حقیقت بن گئی؛ اڑن کار نے کن دو شہروں کے درمیان پرواز کی؟ جانئیے

ہالی ووڈ کی فلموں میں دکھائی جانے والی فلائنگ کار اب محض کوئی کانسیپٹ نہیں سائنس فکشن سے حقیقت میں تبدیل ہوچکی ہے۔

بین الاقوامی ذرائع ابلاغ کے مطابق فلائنگ کار کے ایک آزمائشی ماڈل نے سلواکیا کے شہروں نیترا اور براٹیسلاوا کے بین الاقوامی ہوائی اڈوں کے درمیان ایک گھنٹہ 35 منٹ کی پرواز کامیابی سے مکمل کی ہے۔

کار اور ہوائی جہاز کی ٹیکنالوجی کے ملاپ سے تیار کردہ ’ایئر کار‘ کے اس ماڈل میں بی ایم ڈبلیو کا انجن نصب ہے جبکہ اس میں کسی عام پٹرول پمپ کا ایندھن ڈالا جاتا ہے۔

اس کے موجد پروفیسر سٹیفن کلین کا دعویٰ ہے کہ یہ کار ایک ہزار کلومیٹر اور 8200 فٹ کی بلندی پر اُڑ سکتی ہے اور اس نے ہوا میں اب تک 40 گھنٹے گزارے ہیں۔

اسے کار کی خصوصیات سے ہوائی جہاز کی خصوصیات حاصل کرنے میں صرف دو منٹ 15 سیکنڈ لگتے ہیں۔

رپورٹ کے مطابق ائیر کار کو فی الحال کمرشل طور پر متعارف نہیں کروایا گیا ہے۔

واضح رہےکہ اگر کوئی کمپنی اڑنے والی کمرشل گاڑی تیار کرنے میں کامیاب بھی ہوجاتی ہے تو
اس کی ریگولیٹری منظوری کے لیے بھی کئی برس لگ سکتے ہیں۔