نیوزی لینڈ کے دورہ پاکستان کی منسوخی پر گلوکار علی ظفر نے رد عمل دیا ہے۔

تفصیلات کے مطابق گلوکار علی ظفر نے سماجی رابطے کی ویبسائٹ ٹویٹر پر اپنے جاری کردہ بیان میں سی پی ایل کی تصویر لگاکر لکھا کہ ْکرکٹ تو ہوگی ْ ۔

Cricket to ho gi. #NewZeland https://www.bolnews.com/urdu/latest/2021/09/558586/amp/

— Ali Zafar (@AliZafarsays) September 17, 2021

 23 ستمبر سے راولپنڈی میں سلیبریٹی کرکٹ لیگ ہونے جارہی ہے  جس کی افتتاحی تقریب میں گلوکار علی ظفر پرفارم کریں گے۔

واضح رہے کہ   آج نیوزی لینڈ کرکٹ بورڈ نے پی سی بی کو آگاہ کیا  تھا کہ انہیں سیکیورٹی کے حوالے سے الرٹ کیا گیا ہے اس لیے یکطرفہ طور پر سیریز ملتوی کرنے کا فیصلہ کیا ہے۔

پاکستان کرکٹ بورڈ اور حکومت پاکستان نے مہمان ٹیم کی سیکیورٹی کے لیے فول پروف انتظامات کررکھے تھے جس پر   نیوزی لینڈ ٹیم کے آفیشلز نے اطمینان کا اظہار کیا تھا۔

اس سے قبل وزیر اعظم  عمران خان  نے ذاتی طور پر نیوزی لینڈ کی وزیراعظم  جیسنڈا آرڈرن سے رابطہ کرکے انہیں بتایا  تھا کہ ہماری سیکیورٹی انٹیلیجنس دنیا کی ایک بہترین ایجنسی ہے اور مہمان ٹیم کو کوئی سیکیورٹی تھریٹ نہیں ہے۔