سینیٹر فیصل جاوید خان نے کہا ہے کہ وزیر اعظم عمران خان کبھی بھی آزادی صحافت یا  آزادی رائے پر کسی قسم کی قدغن نہیں لگائیں گے۔

تفصیلات کے مطابق سینیٹر فیصل جاوید  خان کا اپنے ایک بیان میں کہنا تھاکہ پی ایم ڈی اے پر قائمہ کمیٹی تب جواب دے گی جب مسودہ سامنے رکھا جائے گا ، ہماری قائمہ کمیٹی کے سامنے پی ایم ڈی اے کا بل ابھی تک نہیں آیا ۔

 سینیٹر فیصل جاوید خان کا کہنا تھا کہ  قائمہ کمیٹی ایک لیجسلیٹو فورم ہے وہ لیجسلیشن پر رائے دے سکتی ہےاور  ابھی تک صرف کانسپٹ پیپر دکھایا گیا  ہے۔

ان کا کہنا تھا کہ کمیٹی کی اگلی نشست پر تمام اسٹیک ہولڈرز کو بلایا جا رہا ہے ، ہم نے انفارمیشن منسٹری کو اپنے ردعمل اور سفارشات سے آگاہ کیا ہے ۔

فیصل جاوید خان کا کہنا تھا کہ  پی ایم ڈی اے پر کئی ٹیکنیکل سوالات اٹھائے ہیں،کیا بہت سے اچھے مقاصد جو پی ایم ڈی اے میں شامل کیے گئے انکا حصول اس انضمام کے بغیر ممکن نہیں ؟

سینیٹر فیصل جاوید خان کا کہنا تھا کہ  فیک نیوز ایک بڑا مسئلہ ہے  اسکے سدباب کے لیے کاوشیں کرنا ناگزیر ہے۔

ان کا کہنا تھا کہ اس واسطے Libel Laws کو مضبوط اور Cases کے جلد از جلد نپٹانے کے لیے اقدامات کرنے ہوں گے۔

فیصل جاوید خان  کا کہنا تھا کہ سوشل میڈیا کو ریگولیٹ کرنا وقت کی اہم ضرورت ہے ، چاہتے ہیں کہ تمام صحافتی تنظیموں، میڈیا ورکرز کی رائے اور مشورے سامنے لائے جائیں ۔

سینیٹر فیصل جاوید خان کا کہنا تھا کہ  آزادی صحافت کے فروغ اور میڈیا کی ترقی کے لیے سب کو ملکر کام کرنا ہوگا اورپی ایم ڈی اے کی اچھی چیزوں کو سہرانا چاہیے اور اصلاح کے لیے لچک دکھانی ہوگی۔

سینیٹر فیصل جاوید خان کا مزید کہنا تھا کہ قانونی مسوادے کو جلد از جلد سامنے لانے کی استدعا کی ہے تاکہ اپنا باضابطہ ردعمل دے سکیں۔