حکومت پاکستان سے 30 ملین ڈالر وصول کرنے والے براڈ شیٹ نے نیا دعویٰ کر دیا ہے۔
تفصیلات کے مطابق براڈ شیٹ نے نیب اور حکومت پاکستان سے قانونی فیس اور ادائیگیوں کی مد میں مزید 12 لاکھ پاؤنڈ مانگ لیے ہیں۔
ذرائع یونائیٹڈ نیشنل بینک لندن کا کہنا ہے کہ 17 اگست کو براڈ شیٹ کو 920,000 پاؤنڈ ادا کیے گئے تھے ، براڈ شیٹ نے اب نیب سے 1,113,261,43 پاؤنڈ لیگل فیس اور 61,497,40 پاؤنڈ ادائیگیوں کے طلب کیے ہیں۔
براڈ شیٹ کے وکلاء کا کہنا ہے کہ یہ رقم پاکستان سے اصل رقم وصول کرنے کے ضمن میں خرچ ہوئی، عدالت اس کا جائزہ لے چکی ہے ، نیب کو یہ رقم اپنے اور وکلاء کے رویے کی وجہ سے ادا کرنی پڑے گی۔
براڈ شیٹ کے وکلاء کا کہنا ہے کہ ہائی کورٹ کے احکامات کی تعمیل کروانے کیلئے بہت تگ و دو کرنی پڑی۔
واضح رہے کہ براڈ شیٹ کیس پر پاکستان کے اب تک تقریباً 65 ملین ڈالر خرچ ہوچکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News