سیکرٹری پرائمری اینڈ سیکنڈری ہیلتھ عمران سکندر بلوچ کا کہنا ہے کہ صرف ویکسینیشن ہی کورونا وائرس کے خلاف واحد اور موثر علاج ہے۔
تفصیلات کے مطابق پنجاب میں کورونا وائرس کے کیسز میں اضافے کے پیش نظر سیکرٹری پرائمری اینڈ سیکنڈری ہیلتھ عمران سکندر نے اپنا بیان جاری کیا ہے، جس میں انہوں نے کہا ہے کہ تمام شہری خاص طور پر کورونا کی مکمل احتیاط ملحوظ خاطر رکھیں۔
ان کا کہنا ہے کہ 15 سال سے زیادہ عمر کے تمام افراد کا فوری طور پر ویکسین لگوانا ناگزیر ہے ، شہری کورونا کے خلاف خصوصی حفاظتی تدابیر اختیار کرکے خود کو محفوظ بنائیں۔
عمران سکندر بلوچ کا کہنا ہے کہ بلاضرورت گھر سے باہر نکلنے اور پر ہجوم اجتماعات سے مکمل اجتناب کریں، سماجی فاصلہ برقرار رکھیں اور ماسک کا استعمال بھی لازمی کریں۔
انہوں نے مزید بتایا کہ صوبہ پنجاب میں ایکٹیو کیسز کی تعداد 20,106 ہو گئی ہے جبکہ صوبہ بھر میں اموات کی کل تعداد 12,511 ہو گئی ہے۔
ان کا کہنا تھا کہ صوبہ بھر میں اب تک مجموعی طور پر 7,268,367 ٹیسٹ کیے جا چکے ہیں، گزشتہ روز صوبہ بھر کے تمام شہروں میں کورونا کی مجموعی مثبت شرح 6.4 فیصد ریکارڈ کی گئی ہے۔
وااضح رہے کہ اب تک صوبہ بھر میں 394,023 مریض مکمل طور پر صحت یاب ہو چکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News