نیوزی لینڈ کرکٹ ٹیم کو پاکستان سے دبئی منتقل کرنے کے لیے خصوصی پرواز کو اجازت دے دی گئی ۔
تفصیلات کے مطابق نیوزی لینڈ کرکٹ ٹیم کا دورہ پاکستان منسوخ ہوگیا، جبکہ سی اے اے نے نیوزی لینڈ کرکٹ ٹیم منیجر کی درخواست پر خصوصی چارٹر پرواز کی اجازت دے دی ۔
ذرائع کا کہنا تھا کہ روتانہ جیٹ کا خصوصی ایربس 320 طیارہ آج شام 6 بجے اسلام آباد ایرپورٹ پہنچے گا جبکہ خصوصی طیارے نیوزی لینڈ کرکٹ ٹیم کو لیکر دبئی جائے گا۔
ذرائع کا کہنا تھا کہ سول ایوی ایشن اتھارٹی کے ڈاریکٹوریٹ ایئر ٹرانسپورٹ نے نیوزی لینڈ کرکٹ ٹیم کے چارٹر طیارے کو اسلام آباد ایرپورٹ لینڈنگ کی اجازت دے دی جبکہ نیوزی لینڈ کرکٹ ٹیم کو لیکر چارٹر طیارہ رات 8 بجے دبئی ایئرپورٹ پر لینڈ کرے گا۔
واضح رہے کہ جمعے کے روز پہلا ون ڈے شروع ہونے سے کچھ دیر قبل نیوزی لینڈ کرکٹ ٹیم نے سکیورٹی خدشات کو جواز بناکر پاکستان کا دورہ اچانک ختم کرنے کا اعلان کردیا جس کے بعد دونوں ٹیموں کے درمیان سیریز ملتوی کردی گئی جبکہ نیوزی لینڈ کرکٹ بورڈ کی جانب سے میچ شروع ہونے سے قبل اچانک سیریز ملتوی کرنے کے اعلان پر تنقید کا سلسلہ آج دوسرے روز بھی جاری ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
