پاکستان کسٹمز انفورسمنٹ کراچی کا مضر صحت چھالیہ کے خلاف کریک ڈاؤن جاری ہے۔

تفصیلات کے مطابق ترجمان کسٹمز کا کہنا ہے کہ سائیٹ ایریا کراچی میں واقع فیکٹری/گودام پر 2 مختلف چھاپہ مار کارروائیاں کی جبکہ خفیہ اطلاع پر یہ کامیاب کارروائیاں عمل میں لائی گئی۔

ترجمان کسٹمز کا کہنا تھا کہ پہلی کارروائی کے دوران اسمگلڈ شدہ چھالیہ کے 1920 بی بی بیگ اور 200 کارٹن سویٹ سپاری کے برآمد کیے گۓ جبکہ جن سے بلترتیب 48000 کلو گرام مضر صحت چھالیہ اور 6000 کلو گرام سویٹ سپاری برآمد کی گئ ۔

ترجمان کسٹمز کا کہنا تھا کہ ضبط کیے گئے مضر صحت چھالیہ اور سویٹ سپاری کی مالیت 5 کروڑ 40 لاکھ روپے ہے۔

ترجمان کسٹمز کا کہنا تھا کہ دوسری کارروائی میں سائٹ ایریا کراچی میں موجود گودام سے 358 پی پی بیگ جن سے 15,300 کلوگرام مضر صحت چھالیہ برآمد کی گئی ،جس کی مالیت 1 کروڑ 53 لاکھ روپے ہے-

ترجمان کسٹمز کا کہنا تھا کہ دونوں کارروائیوں میں کل 6 کروڑ 93 لاکھ کا مضر صحت چھالیہ اور سویٹ سپاری برآمد کی گئی جبکہ  کارروائیاں تمام قانونی تقاضے پورے کرنے کے بعد عمل میں لائی گئی۔

ترجمان کسٹمز کا مزید کہنا تھا کہ ایف آئی آر درج کرنے کے بعد ظابطہ کی کارروائی شروع کردی گئی۔