بالی ووڈ کے اداکار سلمان خان کو بھارتی رئیلیٹی شو کی میزبانی کے لیے کتنا معاوضہ ادا کیا جائے گا حقیقت سامنے آتے ہی مداح حیران رہ گئے۔

غیر ملکی خبر رساں ادارے کے مطابق بھارتی رئیلیٹی شو بگ باس کے 15ویں سیزن  کی 14 ہفتوں کی میزبانی کرنے کے لیے سلمان خان کو 350 کروڑ روپے معاوضہ دے گی۔

میڈیا رپورٹس میں بتایا گیا ہے کہ بالی ووڈ اداکار سلمان خان بگ باس سیزن 15 کے ہر ہفتے میں 25 کروڑ کی رقم وصول کریں گے۔

اس حوالے سے میڈیا نے بتایا ہے کہ سلمان خان نے خود بگ باس سیزن 15 میں میزبانی کے لیے اپنی فیس 15 فیصد بڑھانے کے مطالبہ کیا تھا۔

 بھارتی رئیلیٹی شو بگ باس کے سیزن 15 کا آغاز رواں سال اکتوبر میں کیا جائے گا۔

 یاد رہے کہ اداکار سلمان خان بگ باس کے گزشتہ 11 سیزن سے اس شو کی میزبانی کررہے ہیں۔

دوسری جانب سلمان خان بھارت کے وہ واحد اداکار ہیں جو کسی بھی رئیلیٹی شو کی میزبانی کرنے کے لیے سب سے زیادہ معاوضہ وصول کرتے ہیں۔

اس سے قبل اداکار سلمان خان کوکمال آر خان کی درخواست پر ممبئی ہائی کورٹ کی جانب سے کو نوٹس جاری کیا گیا تھا۔

 سلمان خان نے اپنی نئی آنے والی فلم ’رادھے‘ پر منفی تبصرے کرنے کی وجہ سے خود ساختہ فلم نقاد کمال آر خان کے خلاف عدالت سے رجوع کیا تھا۔

خیال رہے کہ کمال آر خان نے سلمان خان کے خلاف ممبئی ہائی کورٹ میں درخواست دائر کی تھی۔

کمال آر خان نے اپنی درخواست میں کہا تھا کہ فلم دیکھنے والے کو فلم یا اس کے کرداروں کے بارے میں تبصرے کرنے سے منع نہیں کیا جاسکتا۔

فلم نقاد کمال آر خان کے نے اپنی درخواست میں موقف اختیار کیا تھاکہ بحیثیت ناقد مجھے کسی بھی فلم یا اداکار پر تبصرہ کرنے سے روکا نہیں جاسکتا ہے۔

انہوں نے کہا تھا کہ عدالت صرف مجھے کسی شخص کی نجی زندگی پر تبصرے کرنے سے روک سکتی ہے۔

تاہم عدالت نے کمال آر خان کی درخواست پر سلمان خان سے فوری جواب طلب کرلیا تھا۔

یاد رہے کہ خود ساختہ ناقد کمال آر خان نے سلمان خان کی نئی فلم ’رادھے‘ سے متعلق تنقیدی ریویو دیا تھا۔

 کمال آر خان نے سلمان خان سمیت تمام اسٹارز کی تضحیک کی تھی۔

واضح رہے کہ اداکار سلمان خان نے کمال خان کے خلاف ہتک عزت کا کیس دائر کیا تھا، اور عدالت سے انہیں ہتک آمیز ٹوئٹس و پیغامات روکنے کی درخواست کی تھی۔