بھیگے ہوئے بادام اور اخروٹ کے صحت پر حیرت انگیز فوائد

کلثوم ہرا

17th Sep, 2021. 08:48 pm

ماہرین کی جانب سے اکثر مشورہ دیا جاتا ہے کہ اپنی صبح کی غذا پر خصوصی توجہ دیں کیونکہ صبح کی خوراک کا اثر آپ کی مجموعی صحت پر ہوتا ہے۔

ماہرین کے مطابق اپنی غذا میں گری دار میوے شامل کرنا کئی ضروری غذائی اجزاء کی مقدار کو یقینی بنانے کا ایک مؤثر طریقہ ہے۔

 اپنے دن کا آغاز بھیگے ہوئے بادام سے کرنا ایک پُرانی رسم ہے جس پر بہت سے لوگ عمل کرتے ہیں۔

اس حوالے سے ماہرین نے کہا کہ اپنے دن کا آغاز بھیگے ہوئی گری دار میوے خاص طور پر بادام اور اخروٹ سے کریں ،روزانہ رات میں تقریباً 8 گھنٹے تک پانی میں بادام اور اخروٹ بھیگو دیں۔

ماہرین کہتے ہیں کہ بادام کھانے سے آپ کی یادداشت میں اضافہ ہوتا ہے، ہاضمہ بہتر ہوتا ہے اور کولیسٹرول کی سطح کم ہوتی ہے۔

اخروٹ ومیگا 3 فیٹی ایسڈ کا بہترین ذریعہ ہے، یہ وٹامن ای، فولک ایسڈ، پروٹین اور فائبر بھی پیش کر سکتا ہے۔

اخروٹ عام طور پر برین فوڈ کے نام سے بھی جانا جاتا ہے کیونکہ یہ دماغ کے کام کو بہتر بنانے میں مدد کرتا ہے۔

اس کے علاوہ اخروٹ کیلشیم، پوٹاشیم، آئرن، تانبا اور زنک کا ایک اچھا ذریعہ ہے۔

ماہرین کے مطابق اخروٹ کو بھیگونے سے میٹابولزم بڑھتا ہے، بلڈ شوگر لیول کنٹرول ہوتا ہے اور وزن کم کرنے میں مزید مدد ملتی ہے۔

ماہرین  کا کہنا ہے کہ ورزش آپ کے معمول کا لازمی حصہ ہونا چاہئیے، جسمانی طور پر متحرک رہنے سے نہ صرف آپ کا جسم توانا رہے گا بلکہ آپ کا جسم بہت سی بیماریوں سے بھی دور رہے گا۔

دن کا آغاز چائے یا کافی سے کرنا ایک عام سی بات ہے  لیکن یہ پانی کی کمی کا باعث بن سکتا ہے، لہٰذا صبح چائے یا کافی پینے کا بہترین وقت نہیں ہے۔

Adsence 300X250