پاکستان  ٹیم وائٹ بال کرکٹ میں کبھی بھی آسان حریف ثابت نہیں ہوتی،کیوی کپتان

زاہد فاروق ملک رپورٹر

16th Sep, 2021. 10:50 pm

نیوزی لینڈ کرکٹ ٹیم کے کپتان ٹام لیتھم نے کہا ہے کہ پاکستان کرکٹ ٹیم وائٹ بال کرکٹ میں کبھی بھی آسان حریف ثابت نہیں ہوتی۔

تفصیلات کے مطابق راولپنڈی میں ورچوئل پریس کانفرنس کے دوران  کیوی کپتان ٹام لیتھم کا کہنا تھا کہ ون ڈے اور ٹی ٹوئنٹی سیریز میں پاکستان کے خلاف اچھی کارکردگی دکھانے کی کوشش کریں گے،نیوزی لینڈ کے پاس بولنگ اور بیٹنگ کے شعبے میں میچ ونرز موجود ہیں، امید ہے کہ دونوں ٹیموں کے درمیان اچھا مقابلہ ہوگا۔

ٹام لیتھم  کا کہنا تھا کہ وہ جانتے ہیں کہ یہ دورہ پاکستان کرکٹ کے لیے کتنی اہمیت کا حامل ہے۔

ان کا کہنا تھا کہ روالپنڈی کی وکٹ اچھی لگ رہی ہے، وکٹوں پر اتنا گیند اسپن نہیں ہورہا جتنا بنگلادیش میں ہوا، بنگلا دیش کی نسبت پاکستان میں فاسٹ باولرز کا کردار زیادہ ہوگا۔

ٹام لیتھم نے کہا کہ وہ متحدہ عرب امارات اور حال ہی میں نیوزی لینڈ میں پاکستان کے خلاف کرکٹ سیریز کھیل چکے ہیں، لہذا ہمیں اس ٹیم کی قابلیت اور صلاحیت کا بخوبی اندازہ ہے تاہم ہماری کوشش ہے کہ ہم جلد از جلد ان کنڈیشنز سے خود کو ہم آہنگ کرلیں تاکہ سیریز سے بہترین نتائج حاصل کیے جاسکیں۔

کیوی  کپتان ٹام لیتھم کا مزید کہنا تھا کہ ایک ساتھ کپتانی، وکٹ کیپنگ اور بیٹنگ کی ذمہ داری تھوڑی مشکل ہوتی ہے۔

Adsence 300X250