میمن گوٹھ میں اپوزیشن لیڈر سندھ اسمبلی حلیم عادل شیخ پر دہشت گردی کی دفعات کے تحت مقدمہ درج کرنے کا معاملہ ہوا ہے۔
تفصیلات کے مطابق وفاقی حکومت کی بنائی گئی جے آئی ٹی کا پہلا اجلاس طلب کرلیا گیا، اجلاس کل دوپہر 1 بجے طلب کیا گیا ہے، اجلاس جے آئی ٹی سربراہ ایڈیشنل ڈائریکٹر ایف آئی اے ڈاکٹرفاروق کی سربراہی میں ہوگا۔
ایف آئی اے ذرائع کا کہنا ہے کہ اجلاس میں اپوزیشن لیڈر حلیم عادل شیخ کی گرفتاری پر تفتیش کی جائے گی، جے آئی ٹی مختلف پہلوؤں سے اپوزیشن لیڈر حلیم عادل شیخ کی گرفتاری کا جائزہ لے گی۔
ذرائع ایف آئی اے کے مطابق پہلے اجلاس میں کیس کے تفتیشی افسران کو بھی طلب کیا گیا ہے، کیس سے متعلق پہلے مکمل طور پر آگاہی حاصل کی جائے گی۔
یاد رہے کہ وزارت داخلہ نے وفاقی حکومت کی درخواست پر 3 ستمبر کو جے آئی ٹی تشکیل دی تھی، 5 رکنی جے آئی ٹی نے حلیم عادل شیخ کے خلاف میمن گوٹھ میں درج ہونے والے دہشتگردی کے مقدمات کی تحقیقات کرنی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News