آصف زرداری اور نواز شریف نے چند ارب ڈالرز کی خاطر ملکی وقار کا سودا کیا ، فیاض الحسن چوہان

مریم اقبال

27th Sep, 2021. 06:21 pm
فیاض الحسن چوہان

حکومت پنجاب کے ترجمان فیاض الحسن چوہان نے کہا ہے کہ  آصف زرداری اور نواز شریف نے چند ارب ڈالرز کی خاطر ملکی وقار کا سودا کیا۔

تفصیلات کے مطابق حکومت پنجاب کے ترجمان فیاض الحسن چوہان نے کہا ہے کہ واشنگٹن پوسٹ میں وزیرِ اعظم عمران خان کا آرٹیکل دیر آئے درست آئے کی بہترین مثال ہے۔

انہوں نے کہا کہ پاک امریکہ تعلقات پر آج تک کسی پاکستانی حکمران نے اتنا ڈٹ کر موقف بیان نہیں کیا ، آج پوری دنیا افغان مسئلے پر وزیراعظم عمران خان کے موقف کی تائید کر رہی ہے ، پاکستانی سیاستدانوں کی امریکہ کو خوش کرنے کی پالیسی نے ہمارے مفادات کو نقصان پہنچایا۔

حکومت پنجاب کے ترجمان فیاض الحسن چوہان نے کہا ہے کہ 2006 سے 2015 تک پاکستان میں 50 مسلح گروپوں نے 16 ہزار حملے کیے ، پاکستان نے 80 ہزار جانوں اور 150 ارب ڈالرز کا معاشی نقصان اٹھایا۔

فیاض الحسن چوہان نے کہا ہے کہ آج دنیا افغانستان میں طالبان حکومت کے ساتھ پرامن تعلقات پر غور کر رہی ہے ، وزیرِ اعظم عمران خان کا مصالحتی فارمولا آج پائیدار امن کا باعث بن رہا ہے۔

انہوں نے کہا کہ وزیرِ اعظم عمران خان نے دنیا کو دوہا امن معاہدے کو ساتھ لے کر چلنے کی تلقین کی ، دنیا ایک دفعہ پھر سے افغانیوں کو تنہا چھوڑنے کی متحمل نہیں ہو سکتی۔

Adsence 300X250