حافظ آباد میں پولیس نے منشیات اسمگلرز کیخلاف کارروائی کی جس میں اسمگلر گروہ کو گرفتار کرلیا گیا ہے۔

تفصیلات کے مطابق حافظ آباد میں تھانہ ونیکی تارڑ پولیس نے منشیات اسمگلنک کی کوشش ناکام بنا کر گروہ کو گرفتار کرلیا ہے۔

ذرائع نے بتایا ہے کہ منشیات اسمگل کرتے ہوئے بین الاضلاعی کے منشیات اسمگلر میں میاں بیوی کو بھی  گرفتار کرلیا گیا ہے۔

ذرائع نے بتایا ہے کہ گرفتار اسمگلرز سے لاکھوں روپے مالیت کی 22کلو سے زائد افیون برآمد کرلی گئی ہے۔

حافظ آباد کے ڈسٹرکٹ پولیس آفیسرمحمد معصوم نے اس ضمن میں بتایا ہے کہ منشیات اسمگلرز نے افیون گاڑی کے مختلف خانوں میں چھپا رکھی تھی

ڈسٹرکٹ پولیس آفیسرمحمد معصوم کا کہنا ہے کہ پولیس نے افیون اور اسمگلنگ کے لئے استعمال ہونے والی گاڑی کو قبضے میں لیتے ہوئے مقدمہ درج کر لیا گیا ہے۔

ڈسٹرکٹ پولیس آفیسرمحمد معصوم نے بتایا ہے کہ گرفتار منشیات اسمگلرز علی جبار اور اس کی بیوی تحریم شیخوپورہ کے رہائشی ہیں۔

ڈسٹرکٹ پولیس آفیسرمحمد معصوم نے بتایا ہے کہ گرفتار منشیات اسمگلرز پنجاب بھر میں منشیات اسمگلنگ کا مکروہ دھندہ کرتے تھے۔

ڈسٹرکٹ پولیس آفیسرمحمد معصوم نے مزید بتایا ہے کہ منشیات اسمگلرز سے سپلائرز اور سہولت کاروں سے متعلق مزید تفتیش جاری ہے۔