قومی کرکٹ ٹیم کے سابق کپتان انضمام الحق دل کے عارضے میں مبتلاہونے کے باعث لاہور کے نجی اسپتال میں زیر علاج ہیں۔
تفصیلات کے مطابق سابق کپتان اور قومی کرکٹ ٹیم کے سابق چیف سلیکٹر انضمام الحق کے منیجر کا کہنا ہے کہ انھیں دل میں تکلیف کے باعث لاہور کے نجی اسپتال منتقل کیا گیا تھا جہاں ڈاکٹرز نےان کی انجیو پلاسٹی کرکے انھیں ایک اسسٹنٹ ڈالاہے۔
مینجر انضمام الحق کا کہنا ہے کہ ہمارے لیجنڈ انضمام الحق پہلے سے بہتر محسوس کر رہے ہیں ،گز شتہ رات ان کی انجیو پلاسٹی کی گئی تھی ۔
انہوں نے مزید کہا ہے کہ سب کا دعاؤں کے لئے شکریہ، مکمل صحت یابی کے دعا کے لئے اپیل ہے۔
دوسری جانب پاکستان کرکٹ بورڈ نے اپنے ٹوئٹر پیغام میں کہا ہے کہ کرکٹ فینز سابق کپتان قومی کرکٹ ٹیم انضمام الحق کی جلد صحتیابی کے لیے دعاگو ہیں۔
پاکستان کرکٹ بورڈ اور کرکٹ فینز سابق کپتان قومی کرکٹ ٹیم انضمام الحق کی جلد صحتیابی کے لیے دعاگو ہیں۔
— Pakistan Cricket (@TheRealPCB) September 28, 2021
اس کے علاوہ سابق کپتان وسیم اکرم نے بھی اپنے ٹوئٹر پیغام میں لکھا ہے کہ پیارے انضی، تہمارا دل، اتنا پیارا دل، اس کو لگتا ہے نظرلگ گئی ہے، بہت فکرہوئی کہ اتنے پیارے دل والے کو تکلیف ہوئی۔
وسیم اکرم نے کہا کہ دعا ہے کہ تم ٹھیک ہوکرجلد اپنے پیارے دل سے ہم سب کواسی طرح خوش کروگے جیسا تم ہمیشہ کرتے ہو، پیارے دوست اپنا خوب خیال رکھو، جلد ملتے ہیں۔
پیارے انضی ۔۔۔ تمہارا دل۔۔ اتنا پیارا دل۔۔ اسکو لگتا ھے نظر لگ گئی ۔۔ بہت فکر ہوئی کہ اتنے پیارے دل والے کو تکلیف ہوئی ، دعا ہے کہ تم ٹھیک ھو کر جلد اپنے پیارے دل سے ہم سب کو اسی طرح خوش کرو گے جیسا تم ھمیشہ کرتے ھو۔ پیارے دوست اپنا خوب خیال رکھو ۔ جلد ملتے ہیں !
— Wasim Akram (@wasimakramlive) September 28, 2021
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News