وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان میں کہا کہ گزشتہ 24 گھنٹوں میں 18622 نمونوں کی جانچ کی گئی ہے۔
تفصیلات کے مطابق وزیراعلیٰ سندھ کا کہنا تھا کہ گزشتہ 24 گھنٹوں میں مزید 423 نئے کیسز اور 5 اموات رپورٹ ہوئیں جس کے بعد اموات کی مجموعی تعداد 7525 ہوچکی ہے، آج مزید 10877 مریض صحتیاب ہوئے ہیں جس کے بعد صحتیاب افراد کی مجموعی تعداد 445938 ہوچکی ہے، اب تک 6209047 نمونوں کی جانچ کی جاچکی ہے۔
سید مراد علی شاہ نے کہا کہ اب تک 464261 کیسزرپورٹ ہوچکے ہیں، اس وقت 21958 مریض زیرِ علاج ہیں، 21254 گھروں میں، 28 آئسولیشن سینٹرز میں اور 252 مریض مختلف اسپتالوں میں زیرِ علاج ہیں، 249 مریضوں کی حالت تشویشناک بتائی گئی ہے، 15 مریض وینٹی لیٹرز پر ہیں۔
وزیراعلیٰ سندھ کا کہنا تھا کہ صوبے کے 423 نئے کیسز میں سے 60 کا تعلق کراچی سے ہے، ضلع شرقی 24، ضلع جنوبی 12، کورنگی 18، ضلع وسطی 2، ملیر 4 اور ضلع غربی میں سے 8 نئے کیسز رپورٹ ہوئے ہیں۔
وزیر اعلیٰ سندھ سید مراد علی شاہ نے کہا کہ حیدرآباد 37، نوشہروفیروز 29، کشمور 27، جامشورو 25، ٹھٹہ 24، سانگھڑ 20، گھوٹکی 19، شکارپور 19، تھرپارکر 19، بدین 18، سکھر 18، جیکب آباد 15، مٹیاری 15، ٹنڈوالہیار 15، سجاول 14، شہید بینظیرآباد 13، میرپورخاص 11، لاڑکانہ 8، عمرکوٹ 6، ٹنڈو محمد خان 5 اور خیرپور 3 کیسز ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News