پاکستان پیپلزپارٹی کے شریک چیئرمین وسابق صدر آصف زرداری کاکہنا ہے کہ حضرت محمد ﷺ نے ہمیں امن، محبت اور برداشت کا درس دیا ہے۔
تفصیلات کے مطابق سابق صدرآصف زرداری نے جشن عیدمیلادالنبی کے موقع پر پیغام دیتےہوئے کہا ہے کہ جشن عید میلادالنبی تمام مسلمانوں خاص طور پاکستانیوں کو مبارکباد پیش کرتا ہوں، آقائے دوجہان تمام انسانیت کے لئے رحمت بن کر آئے۔
آصف زرداری نے کہا کہ ہمیں اس سوچ کی مذاحمت کرنا ہوگی جو مذہب کی آڑ میں من مانی کرتے ہیں، ہمیں ان عناصر کو بھی شکست دینا ہوگی جو مذہب کی آڑ میں معصوم انسانوں کا قتل کرتے ہیں۔
انکا کہنا تھا کہ رہبر انسانیت حضرت محمد ﷺ نے ہمیں تمام مذاہب کے احترام کا درس دیا ہے، ہمیں سرور کائنات، محسن انسانیت اور رحمت اللعالمین کے بتائے ہوئے راستے پر چلنا ہوگا۔
آصف زرداری نے مزید کہا کہ اسلام ہمیں ظلم، جبر اور ناانصافی کے خلاف آواز بلند کرنے کا درس دیتا ہے۔