کراچی میں عید میلاد النبیﷺ آج عقیدت واحترام سے منایا جارہا ہے۔
تفصیلات کے مطابق شہر قائد میں عید میلاد النبیﷺ کے موقعے پر گلی گلی چراغاں کیا جا رہا ہے، نعتوں کی محفلیں، درود و سلام کی صدائیں بلند کی جا رہی ہیں جبکہ گلیاں محلے، مساجد جگ مگ کررہی ہیں۔
ذرائع کے مطابق سنی تحریک کےزیر اہتمام مرحبا میلاد مصطفیﷺ ریلی کا انعقاد کیا گیا،اس ریلی میں شہید نشتر پارک عبس قادری کے فرزند بلال قادری ، محمد علی شاہ ، رہنما سنی تحریک ثروت قادری ، فہیم قادری اور دیگر اہلسنت کے رہنما موجود ہیں۔
رہنما اہلسنت نے کہا کہ عید میلاد النبی عیدو کی عید ہے، عید میلاد النبی ﷺ زندگی کی اصل خوشی ہے۔
ذرائع نے مزید بتایا کہ ریلی لیاقت آباد، جہانگیر روڈ ، گرومندر سے ہوتے ہوئے عالم شاہ بخاری مزار پر اختتام ہوگا۔