خورشید شاہ کی جیل سے رہائی تاخیر کا شکار

شبین رضا

22nd Oct, 2021. 04:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خورشید شاہ کی جیل سے رہائی تاخیر کا شکار

پی پی رہنما خورشید شاہ کی جیل سے رہائی ایک دن تاخیر کا شکار ہو گئی ہے۔

تفصیلات کے مطابق سپریم کورٹ سے جاری آرڈر کی تصدیق نہ ہونے کی وجہ سے رہائی کا معاملہ تاخیر کا شکار ہو گیا ہے۔

ذرائع کے مطابق پاکستان پیپلز پارٹی کے سینئر رہنما خورشید شاہ کے بیٹے زیرک خورشید شاہ نے وکلاء کے ساتھ ایک کروڑ کے ضمانتی مچلکے جمع کرائے ہیں۔

اس حوالے سے خورشید شاہ کے بیٹے زیرک شاہ کا کہنا ہےکہ احتساب عدالت سکھر میں مچلکے جمع ہونے کے بعد سپریم کورٹ سے آرڈر کی تصدیق ہونی ہے۔

زیرک شاہ نے بتایاکہ آج جمعے کا دن ہونے کی وجہ سے تصدیق نہیں ہوسکی، کل ہفتے کے دن سپریم کورٹ سے آرڈر کی تصدیق ہو جائے گی۔

خورشید شاہ کے بیٹے نے مزید کہاکہ سپریم کورٹ نے کل ایک کروڑ کے مچلکے جمع کرانے پر خورشید شاہ کی درخواست ضمانت منظور کی تھی۔

ان کا یہ بھی کہنا تھا کہ امید ہے کہ سپریم کورٹ سے ضمانت کے آرڈر کی تصدیق کے بعد ہفتے کو خورشید شاہ کی رہائی ممکن ہوسکے گی۔

واضح رہےکہ پاکستان پیپلز پارٹی کے سینئر رہنما خورشید شاہ کے بیٹے زیرک شاہ وکلاء کے ساتھ آج احتساب عدالت سکھر پہنچے تھے۔